Matyu 5:11 - Di Jamiekan Nyuu Testiment

¹¹ Gad bles unu wen piipl shiem unu, wen dem mek unu sofa an wen dem se aal kain-a wikid sitn bout unu we no chuu — bot se it jos kaaz unu fala mi.

Matyu 5:11 ပူးပေါင်းရင်းမြစ်များ

1 Piita 4:14

Ef piipl shiem unu, an se aal kain-a bad sitn tu unu kaa unu a fala Krais Jiizas — a bles unu bles. Kaaz a di powaful Spirit — Gad Spirit, kom tan wich paat unu de.

Luuk 21:17

Evribada a-go iet unu siek-a unu fala mi.

Maak 13:13

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

Matyu 24:9

“Wen dat apm, dem a-go tek unu, an gi unu uova tu di piipl dem we a-go ponish unu an kil unu. An kaa unu a fala mi, piipl fram aal bout a-go iet unu.

Luuk 6:22

Gad bles aal a unu we piipl iet, we dem lef out, disrispek an kaal aal saat a niem an se unu wikid, kaaz unu fala di Man we Gad Pik.

1 Piita 2:23

Wen piipl tel im at-wod im neva tel dem bak non. An wen dem mek im sofa, im neva chretn fi du dem bak notn. Aal im du a gwaan put im chos iina Gad we joj evribadi bies pan wa dem du.

Jan 15:21

Bot dem a-go du aal a dem sitn ya tu unu chuu unu a fi mi, an kaa dem no nuo di wan we sen mi kom ya.

Matyu 10:22

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

Matyu 10:39

Enibadi we a chrai siev dem laif, a-go luuz it. Bot ef unu luuz unu laif siek-a mi, unu wi get fi liv fi eva an eva.

Revilieshan 2:3

Unu tan op chrang an no gi op wen chobl tek unu, an unu go chuu nof sofarieshan siek-a ou unu biliiv iina mi. An unu aalwiez fala mi, unu neva get taiyad an gi op.

Matyu 19:29

An enibadi we lef dem yaad, dem breda, sista, faada, mada, pikni ar dem lan siek-a mi, dem wi get bak onjrid taim muo dan wa dem did av; plos dem a-go get fi liv fi eva tu.

2 Korintiyan 4:11

So iivn duo wi alaiv nou, wi nuo se enitaim, enidie wi kyan ded kaaz wi a priich bout Jiizas. Bot wi wi gwaan priich an sofa til dem kil wi so dat piipl wi luk pan wi badi an nuo se Jiizas alaiv an dat a im a kip wi alaiv.

1 Korintiyan 4:10

Nof piipl tingk wi a fuul kaaz wi biliiv iina Krais Jiizas. Bot unu, unu tingk se unu waiz kaaz unu bilang tu Krais. Nof piipl tingk se wi naa no powa fi du notn bot unu, unu tingk se unu av nof powa. Piipl shuo unu rispek bot dem no rispek wi.

Ruoman 8:36

It rait dong iina Gad wod se: “Kaaz wi bilang tu yu, piipl chrai fi kil wi aal di taim; dem chriit wi laik shiip we dem plan fi kil.”

Luuk 21:12

“Bifuo aal dem sitn ya apm, dem a-go grab unu an diil wid unu bad. Dem wi tek unu an an unu uova tu di liida dem fi di Juu dem choch an sen unu go a prizn. Dem a-go kyari unu go infronta king an liida, kaaz unu fala mi.

Luuk 9:24

Sumadi we waahn siev dem laif a-go luuz it, bot enibadi we luuz dem laif siek-a mi, dem a-go get fi siev dem laif.

Maak 8:35

Sumadi we waahn siev dem laif a-go luuz it, bot enibadi we luuz dem laif siek-a mi an kaaz dem tan op chrang fi di Gud Nyuuz, dem a-go siev dem laif.

Matyu 10:25

Fi di falara kom ton laik im tiicha — di falara no waahn muo dan dat, an fi di sliev kom ton jos laik im maasta, di sliev sopuoz fi aarait wid dat. Ef piipl kaal di ed fi di ous ‘Belzibul, di diiman ruula,’ a wich wosa niem dem a-go kaal di res a im fambili dem?

Aks 9:16

Mi a-go shuo im umoch im afi go sofa fi fi mi siek.”

Maak 13:9

“Wach out. Chobl a-go riich unu. Dem a-go tek unu an ton unu uova tu di liida dem fi di Juu dem choch, an dem a-go biit unu iina dem choch. An kaaz unu fala mi, unu wi get fi tan op infronta ruula an king an tel dem bout mi.

Matyu 27:39

Di piipl dem we did a paas se aal kain-a torbl sitn bout im. Dem shiek dem ed.

Maak 4:17

Bot siem laik di plaant uufa ruut no go dong diip iina di grong, dem no mek Gad wod go diip iina dem aat, so dem no laas no taim. Wen tof taim lik dem siek-a Gad wod, dem gi op an ton bak siem taim — siem laik ou di plaant jrai op an ded.

Matyu 10:18

An kaaz unu a fi mi falara, dem a-go aal unu infronta di ruula an di king dem, da wie ya nou, unu kyan tel dem bout mi, an unu kyan tel di piipl dem we a no Juu tu.

Jan 9:28

Den dem staat kos im aaf an se, “A yu a fi'im falara! A Muoziz wi fala!

Filipiyan 1:29

Kaaz Gad so gud tu unu, im gi unu di chaans, no onggl fi biliiv iina Jiizas Krais bot fi sofa fi im tu.