Matyu 4:24 - Di Jamiekan Nyuu Testiment

²⁴ So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Matyu 4:24 ပူးပေါင်းရင်းမြစ်များ

Matyu 12:22

Den dem kyari wan man we did av diiman iina im kom tu Jiizas. Di man did blain an im kudn chat niida. Jiizas mek im get bak beta, so di man kuda taak an si.

Matyu 14:1

Da taim de, Erad we ruul uova Gyalalii, ier bout di sitn dem we Jiizas did a du,

Matyu 15:22

Outa di bluu wan Kienanait uman we did liv iina da ieriya de kom kom a baal out, “Laad, Dievid pikni, tek piti pan mi du! Mi daata ful op a diiman bad bad sa.”

Matyu 17:15

im se, “Laad, tek piti pan mi bwai an mek im get beta du. Somtaim a laik se im a get mad. Im kech fits an it du im bad bad sa. An no wan an tuu taim im jrap dong iina faiya, an iina waata.

Matyu 17:18

Jiizas ron out di diiman, an it kom outa di bwai. Di pikni get beta fram da taim de.

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Matyu 8:28

Wen Jiizas riich a di neks said, iina di konchri we di Gyadariinz piipl dem liv, tuu man we did av iin diiman kom op tu im. Dem did a kom fram beriyin grong. Nobadi kudn kanchuol dem man de. Dem did rof an tof an a bier waar dem did push. Siek-a dat, nobadi kudn paas de-so.

Matyu 8:33

Di man dem we luk aafa di ag dem ron go iina di toun go pred evriting we apm tu di man dem we did av iin diiman.

Matyu 8:6

“Laad, mi sorvant de a yaad a lidong an kyaahn muuv. Som wikid pien a lik im.”

Matyu 9:26

An da nyuuz de pred aal uova da ieriya de.

Matyu 9:35

Den Jiizas go bout iina aal a di toun an dischrik dem a tiich iina di Juu dem choch, a priich di gud nyuuz bout Gad kindom an a get piipl beta we av aal kain-a siknis an a sofa fram aal saat a kraasiz.

Maak 1:28

Nyuuz bout Jiizas pred faas faas aal uova di ieriya roun Gyalalii.

Maak 1:32

Afta di son go dong an iivnin kom, di piipl dem kyari aal a di sik piipl dem an aal a di piipl dem we diiman did a kanchuol go a Jiizas.

Maak 2:3

Som piipl kom de wid wan kripl man fi si Jiizas an fuo a di man dem did a kyari im.

Maak 2:4

Bot siek-a di kroud, dem kudn get di man iina di ous we Jiizas de. So di man dem tier aaf paat a di ous tap an let dong di kripl man pan im chrecha.

Maak 2:9

Wich wan iiziya, fi tel di kripl man, ‘Mi paadn yu sin dem,’ ar fi tel im se, ‘Tan op, pik op yu chrecha, an waak’?

Luuk 2:2

(Dis a di fos taim niem a rait dong sins di taim wen Kiriniyos did a ruul uova Siriya.)

Luuk 4:14

Jiizas go baka Gyalalii anda di Spirit powa, an nyuuz bout im staat fi pred so til piipl we liv nier Gyalalii ier bout im.

Luuk 4:38

Wen Jiizas lef di Juu dem choch an go a Saiman yaad, Saiman mada-in-laa did av ai fiiva, so dem aks Jiizas fi elp ar.

Luuk 5:15

Bot nyuuz bout Jiizas pred muo, an kroud an kroud a piipl kom fi ier im an fi get kyuor fram dem siknis.

Luuk 5:24

Bot fi mek unu nuo, mi a-go shuo unu se di Man we Gad Pik av di rait an di powa fi paadn sin pan ort,” so Jiizas se tu di kripl man se, “Git op, tek op yu chrecha an go a yu yaad.”

Luuk 7:17

Da nyuuz ya bout Jiizas pred aal uova Judiya an di dischrik dem we de nier it.

Jan 10:21

Bot som ada wan se, “Dis ya kain-a tiichin ya no kom fram sumadi we av diiman iina dem. Diiman kyaahn mek blain piipl si?”

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 15:23

Dis a di leta we dem gi dem fi gi di choch: Wi, di apasl an elda dem, we a unu breda, a rait an a sen oudi tu aal a unu we de a Antiyak, Siriya, an Silisiya we biliiv iina Jiizas.

Aks 15:41

So dem paas chuu Siriya an Silisiya an elp di piipl dem we biliiv iina Jiizas fi tan op chrang iina wa dem biliiv.

Aks 28:9

Afta dat uol iip a piipl pan di ailan we did sik kom tu Paal fi im mek dem beta.

Aks 8:7

Wikid spirit baal out an kom outa nof piipl an nof kripl piipl an piipl we kudn muuv at aal get beta.