Matyu 4:23 - Di Jamiekan Nyuu Testiment

²³ Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Matyu 4:23 ပူးပေါင်းရင်းမြစ်များ

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Matyu 12:9

Den Jiizas lef de-so an go iina di Juu dem choch.

Matyu 13:19

Wen nobadi ier di mesij bout Gad kindom an no andastan it, di wikid wan kom siem taim kom tek we wa get plaant iina dem aat. Dis a di siid we did jrap wich paat piipl waak.

Matyu 13:54

Wen im kech a Nazaret, we im kom fram, im staat tiich di Juu dem iina dem choch. Di piipl dem kudn biliiv dem iez. Dem se, “A ou da man ya so waiz? A we im get di powa fi du dem mirikl de?

Matyu 14:14

Wen Jiizas kom outa di buot, im si di iip a piipl dem, an did fiil sari fi dem an im mek aal a uu did sik fi dem get bak beta.

Matyu 24:14

An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 9:35

Den Jiizas go bout iina aal a di toun an dischrik dem a tiich iina di Juu dem choch, a priich di gud nyuuz bout Gad kindom an a get piipl beta we av aal kain-a siknis an a sofa fram aal saat a kraasiz.

Maak 1:14

Nou afta dem lak op Jan iina prizn, Jiizas go a Gyalalii go priich Gad gud nyuuz.

Maak 1:21

Lieta Jiizas an im falara dem lef go a Kyaporniyom. Pan di Sabat im go iina di Juu dem choch an staat fi tiich.

Maak 1:39

So im go aal bout Gyalalii go priich iina di Juu dem choch an ron out diiman outa piipl.

Maak 3:10

Kaaz chuu im did iil nof a dem, aal a di sik piipl dem did a push an a chrai fi get kluos so dem kuda toch im.

Maak 6:2

Pan di Sabat, im tiich iina di Juu dem choch. Uol iip a piipl we did ier im kudn biliiv dem iez. So dem aks, “A we da man ya get di sitn dem we im a tiich fram? Ou im so waiz? An di mirikl dem we im a wok, a we im get di powa fi du dem?

Maak 6:6

An im kudn biliiv ou di piipl dem neehn biliiv iina im. Den Jiizas go roun an tiich iina di dischrik dem.

Luuk 10:9

Kyuor di wan dem we sik an se tu dem, ‘Gad kindom kom wich paat unu de.’

Luuk 13:10

Wan Sabat die, Jiizas did a tiich iina wan a di Juu dem choch,

Luuk 16:16

“Bifuo Jan kom piipl did afi fala Muoziz Laa an wa di prafit dem rait dong. Bot sins im kom an di gud nyuuz bout Gad kindom a priich siem wie, evribadi a fait fi get iin de.

Luuk 20:1

Wan die, Jiizas did a tiich di piipl dem an a priich di Gud Nyuuz iina di yaad we Gad ous de. Di ed priis dem, di Laa tiicha dem an di elda dem kom tu im.

Luuk 4:14

Jiizas go baka Gyalalii anda di Spirit powa, an nyuuz bout im staat fi pred so til piipl we liv nier Gyalalii ier bout im.

Luuk 5:17

Wan die wen Jiizas did a tiich, som Farisii an som a di Laa tiicha dem did sidong a lisn tu im. Dem kom fram evri dischrik iina Gyalalii, Judiya an Jeruusilem. Pan da die de Gad gi Jiizas di powa fi mek di sik piipl dem beta.

Luuk 6:17

Jiizas an im apasl dem kom dong aafa di il an go dong pan di flat. Wan big big kroud a Jiizas falara dem did de de an uol iip a piipl fram aal uova Judiya, Jeruusilem, an nier di sii-said a Taiya an Saidan.

Luuk 6:6

Wan neks Sabat, Jiizas go iina di Juu dem choch an did a tiich di piipl dem. Wan man uufa rait an did kripl, did de de.

Luuk 7:21

Siem taim Jiizas mek uol iip a piipl we did sik iina aal kain-a wie get beta, im ron diiman outa piipl, an mek nof blain piipl si agen.

Luuk 7:22

Den Jiizas tel Jan falara dem se, “Go tel Jan wa unu si an ier. Blain piipl kyan si an kripl kyan waak. Piipl we av siknis we mek dem skin fasi-fasi get beta an def piipl a ier. Ded piipl kom bak alaiv an di gud nyuuz a priich tu puo piipl.

Luuk 8:1

Afta dat, Jiizas chravl fram toun tu toun an dischrik tu dischrik, a priich di gud nyuuz bout Gad kindom. Aal dem taim de, di twelv did a go roun wid im.

Luuk 9:11

Bot di piipl dem fain out wich paat im a go an fala im. Jiizas neehn ton dem bak, im mek dem kom, im tiich dem bout Gad kindom, an im kyuor di wan dem we sik.

Luuk 9:60

Bot Jiizas tel im se, “Mek di ded galang go beri uu ded fi dem, bot yu, yu fi go tel piipl bout Gad kindom.”

Jan 18:20

“Mi taak fi evribadi ier mi,” Jiizas se tu im. “Mi tiich iina di Juu dem choch an iina di yaad we Gad ous de — we paat di Juu piipl dem miit op tugeda. Mi no aid an se notn.

Jan 6:59

Nou, Jiizas se dem sitn ya wen im did a tiich a di Juu dem miitn ous iina Kyaporniyom.

Jan 7:1

Afta dat, Jiizas go aal bout iina Gyalalii. Im tan we fram Judiya, kaa di Juu liida dem did a luk wan wie fi kil im.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 18:4

Evri Sabat Paal go a di Juu dem choch an go aagyu wid di Juu dem an wid di Griik piipl dem fi chrai win dem uova.

Aks 20:25

“An aal a unu we mi did go roun an priich tu bout Gad kindom, mi nuo se unu naa go si mi fies agen.

Aks 28:31

an priich tu dem bout Gad kindom an tiich dem bout di Laad Jiizas Krais. An im neva fried fi tiich bout di Laad Jiizas an notn neva de de fi tap im.

Ruoman 10:15

An ef nobadi no sen dem, ou dem fi go priich tu nobadi? Jos laik it se iina Gad wod, “A wan gud gud sopm wen Gad mesinja dem kom priich di Gud Nyuuz.”