Matyu 4:22 - Di Jamiekan Nyuu Testiment

²² Dem no bada lie-lie, dem lef dem buot an dem faada sed taim, an fala Jiizas.

Matyu 4:22 ပူးပေါင်းရင်းမြစ်များ

Matyu 10:37

“Enibadi we lov dem faada ar mada muo dan mi, no dizorv fi bi fi mi falara, an enibadi we lov dem bwai pikni ar gyal pikni muo dan mi, dem no fit fi bi fi mi falara niida.

Luuk 14:26

“Ef sumadi kom tu mi an no lov mi muo dan ou dem lov dem faada an mada, waif an pikni, breda an sista, iivn dem uona laif, dem kyaahn fala mi.

Maak 1:20

Jiizas kaal dem an siem taim dem go fala im. Dem lef dem faada Zebidii iina di buot wid di man dem we did a wok fi im.

2 Korintiyan 5:16

So den, wi no luk pan piipl an joj dem bies pan ou big ar sumaal dem bi, wi no joj dem laik ou di piipl we no biliiv joj dem. Bifuo wi did biliiv, a siem so wi did luk pan Jiizas Krais an joj im, bot nou wi no du dat no muor.

Luuk 14:33

So, ef yu no gi op evriting, yu kyaahn ton wan a mi falara dem.

Matyu 4:21

Wen im lef de-so an go forda out im si tuu ada breda: Jiemz an Jan — Zebidii bwai pikni dem. Di tuu a dem did de iina di buot wid dem faada a fiks op dem net. Jiizas kaal dem.

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Luuk 5:11

So dem pul dem buot pan di liek-said, lef evriting an fala Jiizas.