Matyu 4:17 - Di Jamiekan Nyuu Testiment

¹⁷ Fram da taim de, Jiizas staat priich da mesij ya: “Ton we fram unu sin an chienj unu wiez, kaa di die suun kom wen evn a-go ruul uova di worl iina evri wie!”

Matyu 4:17 ပူးပေါင်းရင်းမြစ်များ

Matyu 10:7

Wen unu a go roun tu dem, unu fi priich da mesij ya: ‘Evn suun ruul uova di worl iina evri wie.’

Matyu 11:12

Fram Jan a priich til nou, wikid piipl a chrai fait gens Gad kindom an powaful piipl chrai fi fuos an tek it uova.

Matyu 13:11

Jiizas se, “Unu get di chaans fi nuo di siikrit sopm dem bout Gad kindom, bot no dem.

Matyu 13:24

Den Jiizas mek dem ier wan neks tuori we soun laik rigl. Im se, “Gad nyuu worl, komiin laik sumadi we plaant op som gud siid pan im lan.

Matyu 13:47

“Gad kindom komiin laik dis tu — wan net we fishaman chuo outa sii. An da net de kech aal kain-a fish.

Matyu 13:9

Enibadi we av iez fi ier — beta lisn gud!”

Matyu 25:1

“Da taim de, Gad kindom a-go komiin laik ten yong gyal we tek dem lamp go miit di man we a get marid.

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 6:10

Mek di taim kom wen yu ruul iina evri wie. Mek we yu waahn apm pan ort apm, jos laik ou a wa yu waahn fi apm iina evn apm

Matyu 9:13

Gwaan go fain out a wa dis miin: ‘Mi waahn piipl fi gud an kain tu piipl, no fi dem kom kom bon sakrifais gi mi.’ Kaaz mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Luuk 15:10

Mi a tel yu a siem wie Gad ienjel dem api wen wan sina ton tu Gad.”

Luuk 15:7

Jiizas se tu dem se, “Mi a tel unu, a siem wie evn a-go selibriet uova wan sina we ton tu Gad dan uova nainti-nain piipl we du rait an we na'av notn fi sari fa.

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Luuk 3:23

Nou, Jiizas did bout toti wen im staat priich. Piipl did tingk se Jiizas a fi Juozif bwai. Juozif a did Eli pikni,

Luuk 5:32

Mi no kom ya fi tel piipl we du rait fi ton fram dem sin, a piipl we du rang mi kom ya fa.”

Luuk 9:2

Im sen dem out fi tel piipl bout Gad kindom an fi kyuor di sik.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 17:30

So fos taim wen piipl neva nuo Gad, im neva ponish dem. Bot nou im a aada evribadi evriwe fi ton we fram dem sin an beg Gad paadn,

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Iibruu 6:1

So, mek wi muuv op man, an muuv paas di sitn dem we wi don tiich unu bout Krais Jiizas. Mek wi gruo paas dem sitn de, so wi kyan tiich unu siem laka ou wi wuda tiich piipl we chrang iina wa dem biliiv iina. Wi shudn afi tiich unu agen se piipl fi beg Gad paadn, chienj dem wiez an tap du di sitn dem we naa riili elp dem at aal, an dat dem fi biliiv iina Gad. Wi tiich unu dem sitn de wen unu did jos staat fala Jiizas.