Aal laka yu Kyaporniyom, yu tingk se Gad a-go lif yu op go a evn an ana yu? Nuo, im a-go fling yu dong a el. Kaaz di mirikl we unu si mi du, ef a Sadam mi did go du dem mirikl de, it wuda stil de bout tide die ya.
Afta Jiizas an im falara dem riich Kyaporniyom, di man dem we kalek di taks fi Gad ous kom tu Piita an se, “Di taks we piipl pie fi tek kier a Gad ous, yu tiicha pie it, no chuu?”
“Zebyulan an Naftali, di plies dem we yu afi paas wen ya'a go a Gyalalii sii, di plies dem we de kraas fram Riva Jaadn, di siem Gyalalii we di piipl dem we a no Juu liv —
Jiizas se tu dem, “Uol taim piipl yuus tu se, ‘Dakta, kyuor yuself.’ Mi nuo se no tuu lang fram nou unu a-go tel mi di siem sitn. Unu a-go tel mi se, ‘Di siem sitn dem we wi ier se yu du iina Kyaporniyom du dem rait ya-so wich paat yu kom fram.’ ”
Iina Gyalalii, im go a di plies we dem kaal Kiena — di sed plies wich paat im did tek waata an ton it iina wain. Nou, yu did av wan man fram Kyaporniyom we du big wok fi di king, we did av wan bwai pikni we did sik bad.