Matyu 3:15 - Di Jamiekan Nyuu Testiment

¹⁵ So Jiizas ansa im se, “Rait ya nou, du wa mi aks yu fi du, da wie ya wi wi du aal we Gad waahn wi fi du!” So Jan se aarait den an du it.

Matyu 3:15 ပူးပေါင်းရင်းမြစ်များ

Matyu 3:14

Bot Jan chrai fi tap im. Jan se, “A yu fi a baptaiz mi, an yu kom fi mi baptaiz yu?”

Luuk 1:6

Gad si se di tuu a dem a did gud sumadi. Kaaz dem liv ou im waahn dem fi liv, dem du aal a wa im tel dem fi du an nobadi kudn paint no fingga pan dem.

Jan 13:15

Mi a set egzampl fi unu fala. Wa mi du fu'unu, unu fi du fu'unu wan aneda.

Jan 15:10

Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Jan 8:29

Di wan we sen mi tan wid mi. Im neehn mek mi tan pan mi uon, kaa mi eva a du wa mek im api.”

Iibruu 7:26

Liida fi priis we komiin laik Jiizas, a riili di kain-a liida fi priis we wi niid. Im mek Gad api iina evri kain-a wie. Im no du notn rang; im neva sin. Nobadi kyaahn bliem im fi notn. Gad mek im difrant, im no komiin laka sina piipl. An Gad riez im op ai ai, aiya dan aal evn.

1 Jan 2:6

Ef sumadi se Gad liv iina dem, dem fi liv di wie Krais Jiizas liv.