Matyu 28:10 - Di Jamiekan Nyuu Testiment

¹⁰ Den Jiizas se tu dem se, “No fried. Gwaan go tel mi breda dem se dem kyan go a Gyalalii. Dem wi si mi de.”

Matyu 28:10 ပူးပေါင်းရင်းမြစ်များ

Matyu 14:27

Bot siem taim Jiizas se tu dem se, “Unu tek aat! A mi, man. No bada fried.”

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Matyu 25:45

“Den im a-go ansa bak, ‘Mi tel unu dis an a chuu mi a taak, di siem wie unu neehn du dem sitn de fi wan a mi breda an sista dem we piipl se no wot notn, a siem so unu neehn du dem fi mi, kaa a laik a mi unu neehn elp wen unu neva elp dem.’

Matyu 26:32

Bot afta mi kom bak alaiv, mi a-go go iina Gyalalii bifuo unu.”

Matyu 28:16

So Jiizas ilevn falara dem go a Gyalalii a di mountn we im did tel dem fi go.

Matyu 28:5

Bot di ienjel se tu di uman dem se, “No fried; mi nuo se a Jiizas unu a luk fa, di wan we dem kil pan di kraas.

Matyu 28:7

Den ori op an go tel im falara dem se, ‘Im ded an kom bak alaiv. Im a go a Gyalalii til unu kom. Unu wi si im de wen unu riich.’ Mi tel unu we mi did fi tel unu!’ Lisn wa mi se an du wa mi se unu fi du.”

Matyu 28:9

Bot Jiizas miit dem op an se tu dem se, “Iel!” Dem kom tu im, ben dong a grong, uol aan pan im fut an worship im.

Maak 16:7

So go tel im falara dem, an Piita tu, se im a go a Gyalalii bifuo dem kom. Unu wi si im de, jos laik wa im did tel unu.”

Jan 20:17

Jiizas se, “No uol aan pan mi, kaa mi no gaan baka mi Faada yet. Go tel yu breda dem se mi se, ‘Mi a go baka mi Faada an fi unu Faada, mi a go baka mi Gad an fi unu Gad.’”

Jan 6:20

Bot im se tu dem, “A mi, man! No bada fried!”

Ruoman 8:29

Kaaz di piipl we Gad pik iivn bifuo im mek di worl, im maak dem. Im maak dem fi ton laik im Bwai Pikni, so dat im Bwai Pikni wuda bi di fos outa aal a im pikni dem.