Matyu 27:31 - Di Jamiekan Nyuu Testiment

³¹ Afta dem mak im don, dem tek aaf di ruob an put aan bak fi im uona kluoz. Den dem kyari im go we fi niel im pan di kraas.

Matyu 27:31 ပူးပေါင်းရင်းမြစ်များ

Iibruu 13:12

A siem ting riich Jiizas. Im did sofa outsaida di kyamp tu, jos fi mek di piipl dem kliin fram sin wen im yuuz fi im uona blod.

Aks 7:58

Dem ron im outa di siti an staat stuon im. An di wan dem we did a stuon im pudong dem kluoz a di fut a wan yong man we niem Saal.

Matyu 21:39

So dem grab im, chuo im aafa di faam an kil im.

Jan 19:27

Den im se tu di falara se, “Luk, si yu mada de.” An fram da taim de, di sed falara tek iin Jiizas mada a im yaad.

Jan 19:16

So den Pailat gi Jiizas uova tu di Juu liida dem fi dem kil im pan di kraas. An dem tek im an kyari im we.

Matyu 20:19

Dem a-go gi'im tu di piipl dem we a no Juu fi dem laaf aafa im an tek im mek preke, biit im wikid wikid an afta dat dem a-go kil im pan di kraas. Bot chrii die afta dem kil im, im a-go kom bak alaiv.”

Matyu 26:2

“Unu nuo se tuu die fram nou di Paasuova alidie we piipl nyam bred widout yiis a kom, an dem a-go an uova di Man we Gad Pik so dem kyan kil im pan di kraas.”

Maak 15:20

Wen dem don mak im an tek im mek preke, dem tek aaf im porpl ruob an put aan bak im uona kluoz. Den dem kyari im go we fi niel im pan di kraas.