Matyu 27:27 - Di Jamiekan Nyuu Testiment

²⁷ Den di govana suoja dem tek Jiizas wich paat di govana liv an kaal op di ada suoja dem fi gyada op roun im.

Matyu 27:27 ပူးပေါင်းရင်းမြစ်များ

Jan 18:33

Pailat den go bak iina di palis, im sen fi Jiizas an aks im se, “Yu a di Juu dem king?”

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Aks 10:1

Nou yu did av wan man dong a Sesuriiya niem Kaaniiliyos. Im a did paat a wan big gruup a suoja we kom fram Itali, an im a did ed fi onjrid a dem.

Aks 23:35

im se, “Wen di piipl dem we a se yu du rang kom, mi wi joj wa yu av fi se fi yuself.” Den im gi aada fi dem kip Paal anda gyaad iina di palis we Erad did bil.

Aks 27:1

Afta dem mek op dem main se wi shuda siel go Itali, dem ton Paal an som ada prizna uova tu Juuliyos wan ed fi onjrid suoja. Im a did paat a di ruula big big gruup a suoja.

Jan 18:3

So Juudas kom a di plies wid wan gruup a suoja. Di ed priis dem an di Farisii dem sen som a di man dem we gyaad Gad ous de tu. Di uol a dem go iina di gyaadn wid lamp, taach an aal saat a sitn fi fait wid.

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.