Matyu 27:16 - Di Jamiekan Nyuu Testiment

¹⁶ Dis ya taim dem did lak op wan wikid prizna. Evribadi did nuo im. Im did niem Jiizas Barabas.

Matyu 27:16 ပူးပေါင်းရင်းမြစ်များ

Maak 15:7

Nou wan man niem Barabas an som ada kriminal did iina prizn fi morda afta dem did rail op di piipl gens di govament.

Ruoman 1:32

Iivn duo dem nuo se Gad se enibadi we a tek paat iina dem sitn de, dizorv fi ded, dem gwaan liv dem laif siem wie. Wos dem aal a tel ada piipl se a gud sitn dem a du wen dem tek paat iina dem sitn de tu.

Aks 3:14

Iivn duo Jiizas aalwiez sorv Gad an du we rait, unu ton unu bak pan im an aks fi dem le'go wan mordara insted-a im.

Jan 18:40

Dem shout bak se, “A no dis ya man ya wi waahn. Gi wi Barabas. (Nou, Barabas did fait gens di Ruoman dem.)

Luuk 23:25

Im let go di man we dem did aks fa. Di wan we did mek piipl fait gens dem ruula an we did morda piipl. An Pailat gi dem Jiizas fi du wa dem waahn du wid im.

Matyu 27:15

Nou iina di Paasuova Alidie, di govana aalwiez frii wan prizna; enibadi we di kroud waahn.

Matyu 27:17

So afta di kroud a piipl gyada op, Pailat se tu dem se, “Uu unu waahn mi le'go fu'unu nou, Jiizas Barabas ar Jiizas di wan we dem kaal Krais?”

Ruoman 16:7

Anjranikos an Juuniyas, mi kombolo uu did iina prizn wid mi, oudi tu unu. Aal a di apasl dem nuo dem gud gud an rispek dem an dem did biliiv iina Krais Jiizas bifuo mi.