Matyu 26:69 - Di Jamiekan Nyuu Testiment

⁶⁹ Nou Piita did a sidong out iina di yaad we di liida fi di priis dem liv. Wan sliev gyal kom op tu im an se, “Di man fram Gyalalii, Jiizas, yu did de mongks im tu.”

Matyu 26:69 ပူးပေါင်းရင်းမြစ်များ

Matyu 26:71

Wen im go outa di giet wan neda sliev gyal si im an se tu di piipl dem we did out de se, “Da man ya did de mongks Jiizas we kom fram Nazaret.”

Aks 5:37

Afta dat wen di govament did a rait dong evribadi niem fi si umoch piipl did iina di konchri, Juudas we kom fram Gyalalii go gens di govament an get som piipl fi jain op wid im. Dem kil im an aal a im falara dem skyata tu.

Jan 7:52

Bot dem se tu im se, “Yu no kom fram Gyalalii tu? Go chuu Gad wod an si fi yuself — no prafit neva eva kom outa Gyalalii yet!”

Jan 7:41

Som ada wan se, “A di Krais dis ya.” Bot yu did stil av som we did a aks, “Nuo sa, kaa di Krais no kom fram Gyalalii, no chuu?

Jan 1:46

Bot Nataniyel se tu Filip se, “Nazaret? Notn gud kyan kom outa dat de plies de?” So Filip se tu im se, “Kom kom si fi yuself.”

Matyu 26:58

Bot Piita did de likl forda aaf a fala Jiizas. Im fala im go aal di wie tu wich paat di liida fi di priis dem liv. Im go iin de an go sidong out iina di yaad wid di gyaad dem fi si wa a-go apm tu Jiizas.

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Matyu 21:11

An di kroud a piipl dem we did a fala baka Jiizas did a se, “A di prafit Jiizas dis ya we kom fram Nazaret iina Gyalalii.”

Matyu 26:70

Bot Piita se a lai shi a tel infronta aal a dem: “Mi no nuo we ya'a chat se!”