Matyu 26:67 - Di Jamiekan Nyuu Testiment

⁶⁷ Den dem pit iina im fies an tomp im op. An som a dem slap im op

Matyu 26:67 ပူးပေါင်းရင်းမြစ်များ

Jan 18:22

Wen Jiizas se dis ya, wan a di gyaad dem shat im a baks iina im fies. “A so yu taak tu di liida fi di priis dem?” im aks Jiizas.

Matyu 27:30

Dem pit pan im an tek big tik biit im iina im ed, uova an uova.

Maak 14:65

Den som a dem staat pit pan im, som tai piis a klaat uova im yai so im kudn si an staat tomp im op wid dem fis an a se tu im se, “Yu se yu a wan prafit, so tel wi uu lik yu.” An di suoja dem we did a gyaad im biit im op tu.

Matyu 5:39

Bot ier wa mi a tel unu se, di piipl dem we du aal saat a wikidnis tu unu, lou dem mek dem gwaan. Ef sumadi baks unu kraas unu fies, pan di rait an said, ton di neks said gi dem.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.

Jan 19:3

Dem go op tu im, uova an uova agen an se tu im se, “Manaz an rispek tu di Juu dem King!” An dem baks im iina im fies uova an uova agen.

Maak 15:19

Den dem lik lik im op iina im ed wid wan piis a tik an pit pit op pan im. Den dem go dong pan dem nii an gwaan laik se dem a worship im.

1 Korintiyan 4:13

Wen piipl tel lai pan wi, wi stil taak tu dem nais. Aal nou di worl gwaan laik se wi a jos gyaabij, wi komiin laik jregs we lef bak.

Maak 10:34

Dem a-go laaf aafa im an tek im ton preke, dem a-go pit pan im, biit im wikid wikid, an afta dat dem a-go kil im pan wan kraas. Bot chrii die afta dem kil im, im a-go kom bak alaiv.”

Matyu 26:68

an se, “Yu no prafit? Iihn Krais Jiizas? So tel wi a uu lik yu!”