Matyu 26:58 - Di Jamiekan Nyuu Testiment

⁵⁸ Bot Piita did de likl forda aaf a fala Jiizas. Im fala im go aal di wie tu wich paat di liida fi di priis dem liv. Im go iin de an go sidong out iina di yaad wid di gyaad dem fi si wa a-go apm tu Jiizas.

Matyu 26:58 ပူးပေါင်းရင်းမြစ်များ

Jan 7:32

Di Farisii dem ier di kroud a piipl a wispa dem sitn ya bout Jiizas. So di ed priis dem an di Farisii dem sen dem we gyaad Gad ous fi lak im op.

Jan 18:25

Nou Saiman Piita did stil tan op a waam op imself, so di piipl dem roun di faiya aks im se, “Yu a no wan a im falara dem tu?” Bot im tel dem nuo. “Mi a no wan a dem,” im se.

Jan 7:45

Wen dem we gyaad Gad ous go bak tu di ed priis dem an di Farisii dem, di ed priis dem an di Farisii dem aks dem se, “Wa mek unu no kyari im kom?”

Matyu 5:25

“Ef sumadi de kyari yu go kuot, sekl unu aagiment pan di wie, sekl it faas faas, ar di sumadi mait-a an yu uova gi di joj, an di joj an yu uova gi di poliis an di poliis wi go lak yu op iina prizn.

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Luuk 22:54

Dem grab Jiizas, an tek im we go a di liida fi di priis dem ous. Piita fala dem bot no tuu kluos.

Jan 19:6

Wen di ed priis dem an dem we gyaad Gad ous si im dem shout out, “Niel im op pan di kraas mek im ded! Niel im op!” So Pailat se tu dem se, “Unu tek im niel im op unuself! Mi no si im du notn rang.”

Aks 5:22

Bot wen di afisa dem riich a di prizn, dem neva fain di apasl dem. So dem go bak go tel dem se,

Aks 5:26

So di ed gyaad an di afisa dem go fi di apasl dem. Bot dem neva rof dem op ar notn, kaaz dem did fried se di piipl wuda stuon dem.