Matyu 26:55 - Di Jamiekan Nyuu Testiment

⁵⁵ Da taim de, Jiizas se tu di kroud a piipl se, “A kom unu kom wid suod an big tik fi ares mi laik se mi a oul tiif an mordara?” Die iin die out unu si mi iina di yaad we Gad ous de a tiich, an unu no ares mi.

Matyu 26:55 ပူးပေါင်းရင်းမြစ်များ

Matyu 21:23

Nou afta Jiizas did go bak iina di yaad we Gad ous de, wen im did a tiich, di ed priis an di elda fi di piipl dem kom tu im. Dem aks im se, “Wa rait yu av fi du dem sitn ya, an a uu gi yu di rait fi du dem?”

Matyu 26:47

Wen Jiizas did stil de de a taak, Juudas, wan a im twelv speshal falara dem, kom. Wan bag a piipl kom wid im. Dem did kom wid suod an big tik, an a di ed priis an Juu liida dem did sen dem.

Maak 10:1

Afta Jiizas lef we im did de, im go paas Riva Jaadn an go iina di Judiya ieriya. Nof piipl kom tu im agen. An laik im aalwiez du, im tiich dem.

Maak 12:35

Jiizas did a tiich iina di yaad we Gad ous de. Im se, “Ou kom di Laa tiicha dem se di Krais a Dievid pikni?

Luuk 19:47

Evridie Jiizas tiich iina di yaad we Gad ous de. Di ed priis, di Laa tiicha dem an di liida dem tu, did a set fi kil im.

Luuk 20:1

Wan die, Jiizas did a tiich di piipl dem an a priich di Gud Nyuuz iina di yaad we Gad ous de. Di ed priis dem, di Laa tiicha dem an di elda dem kom tu im.

Luuk 4:20

Wen Jiizas don, im ruol op bak di buk gi dem an sidong. Evribadi we iina di Juu dem choch yai did faasn pan im,

Jan 7:14

A no til aaf wie chuu di Ot Alidie dat Jiizas go op we paat Gad ous de an staat tiich.

Jan 7:28

Da taim de, Jiizas did stil a tiich iina di yaad we Gad ous de. Im ier we di piipl dem did a se, so im baal out loud loud pan tap a im vais an se, “Unu nuo mi an unu nuo we paat mi kom fram! Mi no sen miself kom ya, bot unu kyan chos di wan we sen mi kom. Unu no nuo im,

Jan 8:2

Orli di neda maanin, im go baka di yaad we Gad ous de. Wen im riich de, uol iip a piipl bongl roun im, an im sidong an staat tiich dem.

Jan 8:20

(Jiizas se dem sitn ya wen im did a tiich iina di yaad we Gad ous de, nier wich paat piipl jrap dem aafrin. An nobadi neehn uol im fi lak im op, kaa im taim neehn kom yet.)