Matyu 26:51 - Di Jamiekan Nyuu Testiment

⁵¹ Bot wan a Jiizas falara dem grab im suod an tek it chap aaf di iez a di sorvant fi di liida fi di priis dem.

Matyu 26:51 ပူးပေါင်းရင်းမြစ်များ

Matyu 26:35

So Piita se, “Aal ef dem afi kil mi wid yu, mi wi neva se mi no nuo yu.” An aal a im speshal falara dem se di siem ting.

Maak 14:47

Wan a di falara dem we did a tan op de, tek out im suod an chap wan a di sorvant a di liida fi di priis dem. Im chap aaf im iez.

Luuk 9:55

Bot Jiizas ton roun an taak tu dem chrang chrang mek dem nuo se dat no rait,

Jan 18:36

So Jiizas se tu im se, “Mi no ruul laka di king dem we de iina di worl. Ef mi did ron tingz laka dem, mi sorvant dem wuda tek op fi mi an fait fi mek dem no ares mi an gi mi uova tu di Juu liida dem. Bot mi no ruul laka di king dem iina di worl.”

2 Korintiyan 10:4

Kaaz di sitn dem we wi fait wid, a no di siem kain-a sitn we di worliyan dem fait wid. No man neva mek di sitn dem we wi yuuz; di sitn dem we wi yuuz fi fait, a Gad mek dem an im gi dem di powa fi mash dong eniting we di enimi chrai fi bil op gens wi. Wi mash op dem aagiment,