Matyu 26:42 - Di Jamiekan Nyuu Testiment

⁴² Im go we wan sekan taim go prie. Im se, “Mi Faada, ef dis a di onggl wie, an mi afi jringk fram da kop ya, den mi afi du wa yu waahn.”

Matyu 26:42 ပူးပေါင်းရင်းမြစ်များ

Matyu 20:22

So Jiizas se tu ar se, “Yu no nuo wa yu a aks mi se! Unu kyan jringk wa mi bout fi jringk? A sofa mi a-go sofa yu no.” Di bwai dem se, “Ye, wi kyan du dat!”

Matyu 26:39

Jiizas go out likl forda an dash imself a grong, ton dong im fies an im prie. Im se, “Mi Faada, ef yu kyan dwi'it, du, tek da kop ya fram mi! Bot a no wa mi waahn stil, a wa yu waahn.”

Matyu 26:43

Im kom bak agen an kom kech dem a sliip. Dem kudn kip op. Sliip did a kil dem; dem yai did evi.

Matyu 6:10

Mek di taim kom wen yu ruul iina evri wie. Mek we yu waahn apm pan ort apm, jos laik ou a wa yu waahn fi apm iina evn apm

Maak 14:36

Im se, “Faada, mi faada, notn no de we yu kyaahn du. Siev mi fram dem torbl sofarieshan ya! Bot ef a so yu waahn it fi go, aarait den.”

Luuk 22:42

“Faada, ef yu waahn fi dwi'it, tek da kop ya fram mi, bot ef a no dat yu waahn, aarait den.”

Jan 6:38

Kaa mi kom dong fram outa evn fi du wa Gad waahn mi fi du, no fi du mi uona ting.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.