Matyu 26:28 - Di Jamiekan Nyuu Testiment

²⁸ Kaaz dis a mi blod. A da blod ya yuuz fi set op di nyuu plan we Gad mek wid unu. A da blod ya ron fi evribadi, so dem kyan get paadn fi dem sin.

Matyu 26:28 ပူးပေါင်းရင်းမြစ်များ

Matyu 20:28

A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Matyu 26:27

Den afta im tek di kop an gi tangks, im gi dem an se, “Aal a unu, jringk fram it.

Matyu 26:29

Ier wa mi a se, mi naa jringk no muo wain til da die de kom wen mi jringk it wid unu wan nyuu wie iina mi Faada Kindom.”

Matyu 6:12

Paadn wi fi aal a di rang we wi du, siem laik ou wi paadn dem we du wi rang.

Maak 1:4

So Jan di Baptis staat fi priich iina di dezot an se piipl fi ton we fram dem sin, get baptaiz, an Gad wi paadn dem fi aal di rang we dem du.

Maak 14:24

Den im se tu dem se, “Dis a mi blod we set op di nyuu plan we Gad mek wid unu, mi blod we bliid out fi nof piipl.

Luuk 22:19

Jiizas tek op di bred, gi Gad tangks an brok it op gi dem, an se, “Dis a mi badi, we mi a gi op fi unu. Unu fi du dis fi memba mi.”

Luuk 22:20

A siem so wen dem don nyam, im tek di kop an se, “Da wain ya a di nyuu pramis wa Gad mek wid mi blod we a-go puor out fi unu.

Ruoman 5:15

bot di tuu a dem did stil difrant. Adam sin an aal we apm siek-a da sin de difrant fram di gif we Gad did gi wi. Wa Adam did du kaaz sin fi kom iina di worl, an sin kaaz nof piipl fi ded. Di gif we Gad gi, moch moch biga dan dat an it riich nof muor piipl. Iivn duo wi neva dizorv it, Gad sen Jiizas fi ded fi wi sin dem so dat im kuda put tingz rait bitwiin wi an im.

Ruoman 5:19

So, kaaz wan man neva du we Gad se im fi du, sin kom iina di worl an siek-a dat evribadi a sina. A siem so, Gad mek tingz rait bitwiin im an piipl kaaz wan man did du we im tel im fi du.

1 Korintiyan 11:25

Jos laik ou im tek di bred, wen dem don iit im tek op di kop an se, “Dis a mi blod an it a di nyuu pramis we Gad mek tu unu. Evritaim unu jringk wain fram da kop ya, unu fi memba mi.”

Ifiijan 1:7

Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Koloshan 1:14

an we paadn wi sin dem an mek wi go frii.

Koloshan 1:20

An Gad yuuz Jiizas fi mek piis wid evriting an fi bring dem bak tu im, weda dem de pan ort ar iina evn. A dat im du wen im mek im Bwai Pikni bliid an ded pan di kraas.

Iibruu 10:29

So a umoch wos Gad fi ponish sumadi we chrampl op pan im Bwai Pikni, an we chriit Jiizas blod laik se it chiip, wen a it yuuz fi set op di nyuu plan we Gad mek? An a it yuuz fi tek we da siem sumadi de sin. Umoch wos im ar shi fi get ponish wen dem taak gens di Uoli Spirit we shuo wi wan kain-a lov we wi no iivn dizorv — iihn, umoch wos?

Iibruu 13:20

Gad gi wi piis iina wi aat. Im tek di blod we mek di nyuu plan bitwiin wi an im laas fi eva, an mek di ed shepad fi di shiip dem kom bak alaiv — dat a wi Laad Jiizas Krais. Mi prie se di Gad, we du aal a dem sitn ya

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

1 Jan 2:2

Jiizas Krais a di wan we gi op im laif so wi kuda get paadn fi wi sin dem an dat evribadi iina di worl kuda get paadn tu.

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.

Revilieshan 7:9

Afta dat mi si wan big kroud a piipl tan op infronta mi, dem did so nof dat nobadi kudn kount dem. Dem kom fram evri konchri, chraib, an piipl we chat aal kain-a langwij. Dem kom tan op infronta di chuon an infronta di Biebi Shiip. Dem did av aan wait jakit we kech dem klier dong a dem fut, an dem did av paam liif iina dem an.