Matyu 26:18 - Di Jamiekan Nyuu Testiment

¹⁸ So Jiizas se, “Go tu suo-an-so iina di toun an tel im dis, ‘Di Tiicha se, “Mi taim suun kom. Mi a-go nyam di Paasuova fuud wid mi speshal falara dem a fi yu ous.”

Matyu 26:18 ပူးပေါင်းရင်းမြစ်များ

Jan 7:6

Bot Jiizas se tu dem se, “Fi unu, enitaim a di rait taim, bot fi mi taim no kom yet.

Jan 17:1

Afta Jiizas don se dem sitn ya, im luk op iina di skai an prie tu Gad se: “Faada, di taim kom nou. Shuo evribadi ou yu Bwai Pikni big an powaful, so im kyan shuo dem ou yu big an powaful.

Jan 13:1

Nou a did jos bifuo di Paasuova Alidie, an Jiizas did nuo se di taim wen im wuda lef di worl an go we tu im Faada did kom. Im did lov dem we did a fi im iina di worl, an da taim ya im shuo dem ou im did riili riili lov dem.

Jan 7:30

Wen dem ier dis ya dem chrai fi grab im, bot nobadi no toch im, kaaz a neehn fi im taim fi dem kil im yet.

Jan 7:8

Unu gwaan op de go tek paat iina di Ot Alidie. Mi naa go, kaa di rait taim fi mi go no kom yet.”

Jan 12:23

Jiizas se tu dem se, “Di taim kom fi Gad shuo ou di Man we Gad pik big an powaful.

Luuk 22:53

Evridie mi de a Gad ous wid unu, an unu neva ares mi. Bot dis a fu'unu taim an di taim wen di wan we ruul uova daaknis a wok.”

Jan 11:28

Afta Maata se dis ya, shi go we go kaal Mieri ar sista wan said an tel ar se, “Di Tiicha de ya, an im a aks fi yu.”

Maak 5:35

Jiizas did stil a taak wen som piipl fram Jairos yaad kom tu Jairos — di ed fi di Juu dem choch. Dem tel im se, “Yu gyal pikni ded! Wa mek yu stil a bada di tiicha?”

Matyu 26:2

“Unu nuo se tuu die fram nou di Paasuova alidie we piipl nyam bred widout yiis a kom, an dem a-go an uova di Man we Gad Pik so dem kyan kil im pan di kraas.”

Matyu 23:10

An mi se, nobadi no fi kaal unu ‘tiicha,’ kaa a onggl wan Tiicha unu av an dat a di wan we Gad sen fi siev piipl, di Krais.

Matyu 23:8

“Bot nobadi no fi kaal unu, ‘tiicha,’ kaa a onggl wan Tiicha de bout, plos di uol a unu a breda an sista; nobadi no aiya dan nobadi.

Matyu 21:3

Ef nobadi se notn tu unu, unu fi se, ‘Di Laad niid dem,’ an dem wi sen dem sed taim.”

Jan 20:16

Den Jiizas se tu ar se, “Mieri!” Shi ton fi fies im an baal out iina di Iibruu langwij, “Rabonai!” (dat miin “Tiicha”).

Matyu 26:49

So siem taim im go op tu Jiizas an se, “Oudi Tiicha,” an kis im.

Matyu 26:19

Im falara dem du wa im tel dem fi du, an dem luk bout di Paasuova fuud.