Matyu 26:11 - Di Jamiekan Nyuu Testiment

¹¹ Kaaz unu a-go eva av puo piipl roun unu, bot unu naa go av mi roun ya wid unu fi eva.

Matyu 26:11 ပူးပေါင်းရင်းမြစ်များ

Maak 14:7

Kaaz unu wi aalwiez av puo piipl mongks unu an unu kyan elp dem enitaim unu waahn fi elp dem. Bot unu naa go av mi mongks unu fi eva.

Jan 12:8

Unu eva a-go av puo piipl roun unu, bot unu naa go av mi roun ya wid unu fi eva.”

Jan 16:28

Mi lef fram wich paat mi Faada de an kom iina di worl. Rait ya nou, mi a lef di worl fi go baka mi Faada.”

Jan 16:5

Bot rait ya nou, mi a go tu di wan we sen mi kom ya, an non a unu no aks mi se, ‘A we paat yu a go?’

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Jan 13:33

“Mi pikni, mi a-go de ya wid unu fi onggl likl bit langga. Unu gweehn luk fi mi, bot jos laik wa mi did se tu di Juu liida dem mi a tel unu di sed ting, ‘Wich paat mi de go, unu kyaahn kom de.’

Aks 3:21

Jiizas afi tan a evn til di taim kom fi Gad mek evriting nyuu. A dat Gad mek im prafit dem tel piipl fram wie bak wen.

Jan 17:11

“Mi naa go de iina di worl no langga. Mi a kom tu yu, bot dem stil a-go de iina di worl. Faada we uoli, yuuz yu powa an gyaad dem — di powa we yu gi mi — yuuz it an gyaad dem, so dem kyan ton wan, siem laka ou mi an yu a wan.

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Matyu 18:20

Kaaz eniwe tuu ar chrii a mi falara dem gyada fi prie, mi de rait de wid dem.”

1 Jan 3:17

Ef nobadi si im breda ar sista riili shaat a sopm an no elp dem iivn duo im kuda elp dem, ou da sumadi de a-go se Gad lov iina im aat?

Gyalieshan 2:10

Di onggl ting dem aks wi fi du a memba di puo, an dat a di sed ting mi did wel waahn du.

Matyu 26:10

Jiizas did don nuo wa dem did a se, so im se tu dem se, “We unu a bada di uman fa? A sitn gud shi du tu mi.