Matyu 25:40 - Di Jamiekan Nyuu Testiment

⁴⁰ “An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Matyu 25:40 ပူးပေါင်းရင်းမြစ်များ

Matyu 10:40

“Enibadi we welkom unu, welkom mi. An enibadi we welkom mi, welkom di wan we sen mi kom.

Matyu 10:42

An enibadi we gi wan a mi ombl falara dem iivn wan kop a ais waata, kaa dem si se dem a fi mi falara, mi a tel unu dis, an mi naa lai, da sumadi de a-go get wa dem fi get.”

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Matyu 25:39

A wen wi weehn si yu sik sa, ar a wen yu did iina prizn an wi did kom kom luk fi yu?’

Matyu 25:45

“Den im a-go ansa bak, ‘Mi tel unu dis an a chuu mi a taak, di siem wie unu neehn du dem sitn de fi wan a mi breda an sista dem we piipl se no wot notn, a siem so unu neehn du dem fi mi, kaa a laik a mi unu neehn elp wen unu neva elp dem.’

Matyu 28:10

Den Jiizas se tu dem se, “No fried. Gwaan go tel mi breda dem se dem kyan go a Gyalalii. Dem wi si mi de.”

Maak 9:41

Mi a tel unu dis, an mi naa lai, enibadi we gi unu wan kop a waata kaaz unu bilang tu mi, boun fi get wa dem fi get.

Luuk 19:38

Dem se, “Gad bles di King we im sen kom! Im sen im wid fi'im powa!” “Mek piis ruul iina evn, an priez tu Gad we liv iina evn.”

Jan 20:17

Jiizas se, “No uol aan pan mi, kaa mi no gaan baka mi Faada yet. Go tel yu breda dem se mi se, ‘Mi a go baka mi Faada an fi unu Faada, mi a go baka mi Gad an fi unu Gad.’”

Ruoman 8:29

Kaaz di piipl we Gad pik iivn bifuo im mek di worl, im maak dem. Im maak dem fi ton laik im Bwai Pikni, so dat im Bwai Pikni wuda bi di fos outa aal a im pikni dem.

2 Korintiyan 4:5

A dat mek wi no priich bout wiself bot wi priich an tel unu se Jiizas Krais a Laad. Wi, wi a onggl unu sorvant, kaaz a dat im sen wi fi du.

Gyalieshan 5:13

Breda an sista, Gad kaal unu so dat unu kuda frii fram di Juu dem Laa. Bot dat no miin se unu kyan go liv eni ou unu waahn fi liv. Wa unu fi du a sorv an lov wan aneda.

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Ifiijan 5:30

Im du it, kaaz wi a paat a fi im badi.

Iibruu 6:10

Gad fier yu nuo. Im naa go figet wa unu du. Im naa figet ou unu shuo umoch unu lov im wen unu elp di breda an sista dem we biliiv iina Gad, an ou unu stil a elp dem.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Jan 4:20

Ef sumadi se dem lov Gad, an iet dem breda an sista dem, dem a laiyad, kaaz sumadi kyaahn lov Gad we dem kyaahn si, an no lov dem breda an sista we dem kyan si.

Revilieshan 17:14

Dem a-go mek waar gens di Biebi Shiip, bot di Biebi Shiip a-go biit dem kaaz im a Laad uova aal laad an King uova evri king — im a-go av im speshal piipl dem wid im, we im kaal, pik, an we du we im se.”

Revilieshan 19:16

Pan im lang jakit an pan di tap paat a im fut im av wan niem rait dong: KING UOVA AAL A DI KING DEM AN LAAD UOVA AAL A DI LAAD DEM.