Matyu 25:4 - Di Jamiekan Nyuu Testiment

⁴ Bot di wan dem we av sens did waak wid ekschra ail fi fi dem lamp.

Matyu 25:4 ပူးပေါင်းရင်းမြစ်များ

Ruoman 8:9

Bot yu si unu, unu naa liv ou unu badi waahn unu fi liv. Unu a liv ou di Spirit se unu fi liv, dat a ef Gad Spirit riili de iina unu. Nou di piipl we no av Krais Jiizas Spirit a liv iina dem, dem no bilang tu Gad.

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

1 Jan 2:20

Krais Jiizas naint unu wid im spirit, so aal a unu nuo di chuut.

Juud 1:19

Dem piipl ya onggl kaaz choch piipl fi aagyu wid wan aneda an plit op di choch. Dem mek di wikid sitn we dem waahn kanchuol dem, an Gad Spirit no iina dem.

2 Korintiyan 1:22

Im maak wi fi shuo se wi bilang tu im an gi wi di Spirit iina wi aat so wi wuda nuo se im a-go gi wi aal we im pramis fi gi wi.

Matyu 7:24

“Evribadi we ier wa mi a se, an du wa mi se, komiin laik wan man we av sens an bil op im ous pan rakstuon.

Matyu 10:16

Mi a sen unu out laik shiip mongks wulf. So waiz op laik siniek an tek it iizi laik dov.

Matyu 25:2

Faiv a dem did fu-fuul, an di neks faiv did av sens.

Matyu 25:3

Wen di fu-fuul wan dem tek fi dem lamp, dem neehn bring ekschra ail.

Matyu 25:5

Di braidgruum did a tek lang fi kom, an sliip did staat fi uol dem dong an di uol a dem jrap a sliip.