Matyu 25:36 - Di Jamiekan Nyuu Testiment

³⁶ Mi neehn av aan no kluoz an unu gi mi kluoz fi put aan. Mi did sik an unu tek kier a mi. Mi did de iina prizn an unu kom luk fi mi.’

Matyu 25:36 ပူးပေါင်းရင်းမြစ်များ

Matyu 25:37

“Den di piipl dem we du rait iina Gad yai a-go ansa bak se, ‘Laad, a wen wi did si yu onggri an fiid yu, ar a wen fi yu chuot weehn jrai an wi gi yu sitn fi jringk?

Matyu 25:43

Unu neehn nuo mi an unu neehn tek mi iin wen mi did kom mongks unu. Mi neva av aan no kluoz an unu neehn gi mi non fi put aan. Mi weehn sik, mi did de iina prizn an unu neehn kom luk fi mi.’

Luuk 3:11

Im se tu dem se, “Ef yu av tuu shot yu fi gi sumadi wan an ef yu av fuud yu fi du di siem ting.”

Aks 20:35

Iina evriting we mi du mi shuo unu se wi afi wok aad so wi kyan av inof fi shier wid di wan dem we no av notn. An unu fi memba wa wi Laad Jiizas se, im se, ‘Ef yu gi sumadi sopm, it mek yu muo api dan ef sumadi gi yu sopm.’ ”

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Iibruu 13:3

Unu fi memba di piipl dem we iina prizn, laik se unu iin de wid dem. An memba di piipl dem we a sofa tu, laik se a unu a sofa an a fiil di pien we dem a fiil.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.