Matyu 25:21 - Di Jamiekan Nyuu Testiment

²¹ “Im maasta se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Matyu 25:21 ပူးပေါင်းရင်းမြစ်များ

Matyu 24:45

“So den, a uu a di waiz sorvant we di maasta kyan chos fi dwi'im wok? Uu a di wan we di maasta put inchaaj a im uol ous, an mek shier out di sorvant dem fuud wen a taim fi dem nyam?

Matyu 24:47

Mi tel unu dis, an a chuu mi a taak, di maasta a-go put im inchaaj a evriting im uon.

Matyu 25:23

“Di maasta se tu im se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Luuk 12:44

Mi tel unu dis, an a chuu mi a taak, di maasta a-go put im inchaaj a evriting im uon.

Luuk 16:10

“Enibadi we yu kyan chos wid likl bit, yu kyan chos dem wid uol iip tu, an enibadi we yu kyaahn chos wid likl bit yu kyaahn chos dem wid uol iip niida.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Jan 14:3

An afta mi go we go fiks it op, mi gweehn kom bak kom tek unu kyari go we wid mi, so dat unu kyan de wid mi eniwe mi de.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Ruoman 2:29

Di piipl dem we a riili Juu a di wan dem we Gad tek fi bi im piipl kaaz dem lou di Uoli Spirit fi chienj dem aat, no kaaz dem sorkomsaiz ar nuo di Laa. Dem de piipl de, Gad a-go big op, iivn ef ada piipl naa big dem op.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

2 Korintiyan 10:18

Kaaz it no mata ef yu tingk se yu a du gud, it onggl mata ef Gad tingk se yu gud.

2 Korintiyan 5:9

An so, wi mek shuor se evriting wi du a fi mek Gad api weda wi a liv pan ort ar wi de iina evn wid im.

Filipiyan 1:23

Mi no nuo wich wan fi pik. It komiin laik eniwe mi ton maka juk mi. Mi wuda waahn fi ded an go liv wid Krais Jiizas dan tan ya, kaaz dat wuda uol iip beta fi mi.

1 Timoti 3:13

Piipl wi rispek di diikan dem we du wan gud jab, an kaaz piipl rispek dem, di diikan dem kyan taak bout dem chos iina Jiizas an no fried a notn.

2 Timoti 2:12

Ef wi no gi op, Wi a-go ruul wid im tu. Ef wi gwaan laik wi no nuo im, im wi gwaan laik im no nuo wi.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.

Revilieshan 21:7

Enibadi we biit di devl an no gi iin tu di sitn dem we im waahn dem fi du, gweehn get aal dem nais sitn ya. An mi a-go bi fi dem Gad an dem a-go bi fi mi pikni.

Revilieshan 3:21

Enibadi we biit di devl an no gi iin tu di sitn dem we im waahn dem fi du, mi a-go gi im di rait fi sidong saida mi, pan mi chuon, siem laik ou mi did biit di devl an no gi iin tu di sitn dem we im did waahn mi fi du, an sidong saida mi Faada pan fi'im chuon.

Revilieshan 7:17

Kaaz di Biebi Shiip we de a di migl a di chuon a-go tek kier a dem jos laik ou wan shepad tek kier a im shiip dem. Im a-go liid dem go a wan plies we fresh kliin waata eva a ron. An Gad gweehn jrai op aal a dem yai-waata.”