Matyu 25:14 - Di Jamiekan Nyuu Testiment

¹⁴ “Mek mi se dis tu, da taim de, Gad kindom a-go komiin laik wan man we a go wan faar plies, so im kaal op im sorvant dem an gi dem aal we im uon fi tek kier a til im kom bak.

Matyu 25:14 ပူးပေါင်းရင်းမြစ်များ

Maak 13:34

Da taim de komiin laik wan man we a go we pan wan chrip. Im lef im sorvant dem inchaaj a im ous an gi evri wan a dem di wok we dem fi du. An im tel di wan we a gyaad di duor fi kip wach.

Ifiijan 4:11

A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

1 Korintiyan 12:4

A nof difrant sitn di Uoli Spirit mek wi kyan du bot wi fi memba se a di siem Spirit mek wi kyan du aal a dem.

Matyu 21:33

“Ier da tuori ya tu: Yu weehn av wan man we uon wan griep faam an di man plaant op im faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.

1 Korintiyan 3:5

Afta aal, uu a Apalos? An uu a Paal? A wi kom priich tu unu an mek unu biliiv bot di tuu a wi did onggl a du wa Gad se wi fi du. Wi a onggl Gad sorvant.

Luuk 20:9

Den Jiizas tel di piipl dem da tuori ya: “Yu did av wan man we did plaant op wan griep faam, rent it tu som faama an go we fi wan lang taim.