Matyu 25:13 - Di Jamiekan Nyuu Testiment

¹³ “So ier wa, mek shuor se unu eva redi an a luk out, kaa unu no nuo a wich die ar a wa taim di Man we Gad Pik a-go kom bak.

Matyu 25:13 ပူးပေါင်းရင်းမြစ်များ

Matyu 24:50

an im maasta go kom bak wan die wen im naa luk fi im an wan taim wen im naa chek se im wuda riich bak.

Matyu 25:12

“Bot im ansa bak, ‘Ier mi no, an a chuu mi a taak, mi no iivn nuo unu!’

Luuk 21:36

Aalwiez a wach, prie se unu wi kyan get we fram aal a wa a-go apm, an prie se unu kyan tan op infronta di Man we Gad Pik.”

Aks 20:31

So wach unuself an memba ou nait an die fi chrii ier, mi neva tap waan evri wan a unu, iivn duo mi did afi go chuu nof sofarieshan.

1 Korintiyan 16:13

Kip unu yai dem uopm, tan op chrang fi wa unu biliiv, no fried a notn an gwaan kip chrang.

1 Tesaluoniyan 5:6

So mek wi no sliip laik dem we a liv iina di daak. Bot mek wi kip wi yai waid uopm an wi ed skruu aan gud.

2 Timoti 4:5

Bot yu si yu Timoti, yu afi kanchuol yuself iina evriting. Yu a-go fies nof chobl bot yu mos push chuu it an gwaan priich Gad wod. An kaaz yu a Gad sorvant yu mos du aal di wok we im gi yu fi du.

1 Piita 4:7

Bot, di taim wen aal a dis a-go don suun kom. So klier unu ed an staat tingk chriet, get unu main redi fi akshan, kanchuol unuself an staat liv siiros. Du aal a dat so dat unu kyan prie.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”