Matyu 25:12 - Di Jamiekan Nyuu Testiment

¹² “Bot im ansa bak, ‘Ier mi no, an a chuu mi a taak, mi no iivn nuo unu!’

Matyu 25:12 ပူးပေါင်းရင်းမြစ်များ

1 Korintiyan 8:3

Bot ef sumadi lov Gad, Gad nuo dem.

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

Jan 10:27

Fi mi shiip dem lisn tu we mi se. Mi nuo dem, an dem fala baka mi.

Jan 9:31

Wi nuo se Gad no lisn tu piipl we a sina. Im lisn tu dem we rispek im, an du we im se.

Gyalieshan 4:9

Bot nou unu an Gad kluos — mi riili shuda se nou Gad mek it so unu an im kyan kluos — ou unu kyan ton unu bak pan im an a go bak go fala di wiik spirit dem we a ruul di worl an we naa no powa? Unu waahn go bak go ton dem sliev agen?

Matyu 25:11

“Likl muo, di ada yong gyal dem kom bak. Ier dem no, ‘Laad, laad, uopm di duor fi wi no!’

Matyu 25:13

“So ier wa, mek shuor se unu eva redi an a luk out, kaa unu no nuo a wich die ar a wa taim di Man we Gad Pik a-go kom bak.

Luuk 13:25

Di taim a-go kom wen di uona a di ous get op an lak di duor an unu wi tan op outa duor a nak an beg, ‘Sa, uopm di duor fi wi.’ “Bot im wi ansa se, ‘Mi no nuo unu ar wich paat unu kom fram.’