Matyu 24:7 - Di Jamiekan Nyuu Testiment

⁷ Kaaz wan set a piipl a-go waar gens wan neks set a piipl, an kindom a-go fait gens kindom. Fuud a-go shaat iina nof nof plies an uol iip a piipl a-go staav, pan tap a dat ortkwiek a-go kom shiek op difrant difrant plies.

Matyu 24:7 ပူးပေါင်းရင်းမြစ်များ

Luuk 21:11

Big ortkwiek a-go kom, an aal bout, fuud a-go shaat an aal kain-a siknis a-go kil aaf piipl; som torbl sitn a-go kom fram evn an piipl a-go fried.

Aks 11:28

Wan a dem we niem Agabos tan op fi priich. Di Uoli Spirit tek kanchuol a im an mek im taak bout ou wan torbl staavieshan a-go tek di uol worl. (Wa Agabos se apm wen taim Klaadiyos did a ruul uova Ruom.)

Aks 2:19

Mi a-go shuo som powaful sitn op iina di skai an shuo som sain pan da ort ya, blod an faiya an wan ton a sumuok.

Iibruu 12:27

Nou wen im se, ‘wan muo taim,’ dat shuo se di sitn dem we get shiek op im a-go tek dem we, an dem sitn de a di tingz we im did mek. Im a-go du dat so wa kyaahn shiek op, kyan tan.

Revilieshan 6:12

Den mi si wen di Biebi Shiip brok di siks chring an wan torbl ortkwiek apm. Di son tap shain an di uol plies ton blak blak laik wen nait wel daak, an di muun ton red laik blod,

Revilieshan 6:5

Wen di Biebi Shiip brok di tord chring, mi ier di tord sitn se, “Kum!” Wen mi luk mi si wan blak aas! Di wan we sidong pan it av wan skiel iina im an.

Revilieshan 6:6

Den mi ier sopm laik wan vais mongks di fuo sitn dem a se, “Wan poun a biekin flowa a-go kaas wan uol die pie, an siks poun a kounta flowa a-go kaas wan uol die pie, bot no faas wid di ail an di wain!”

Revilieshan 6:8

Wen mi luk, mi si wan aas we av wan yelo-griin kola! Di wan we did a raid di aas niem det, an di wan we niem, di Plies we Ded Piipl Go did a fala rait baka im. Di tuu a dem did get powa fi yuuz suod, staavieshan, siknis, an wail wail animal fi kil aaf kwaata a di piipl dem pan ort.