Matyu 24:46 - Di Jamiekan Nyuu Testiment

⁴⁶ It a-go gud fi di sorvant we di maasta kom fain a du im wok.

Matyu 24:46 ပူးပေါင်းရင်းမြစ်များ

Matyu 24:45

“So den, a uu a di waiz sorvant we di maasta kyan chos fi dwi'im wok? Uu a di wan we di maasta put inchaaj a im uol ous, an mek shier out di sorvant dem fuud wen a taim fi dem nyam?

Matyu 24:47

Mi tel unu dis, an a chuu mi a taak, di maasta a-go put im inchaaj a evriting im uon.

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Luuk 12:37

It a-go gud fi di sorvant dem uufa maasta fain dem bizi a wiet fi'im kom bak. Mi a tel unu dis, di maasta imself a-go put aan im wok kluoz, mek dem sidong a di tiebl, an im wi sorv dem.

Luuk 12:43

It a-go gud fi da sorvant de ef im maasta kom fain im a du wa im fi du.

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”

Revilieshan 2:19

“Mi nuo ou unu liv: unu lov wan aneda, tan op chrang fi wa unu biliiv, sorv wan aneda, an tan op chrang an no gi op wen unu did a go chuu nof chobl an kraasiz. Matarafak, unu a du nof muo nou dan wa unu yuus tu du wen unu did jos get siev.