Matyu 24:42 - Di Jamiekan Nyuu Testiment

⁴² “So mek shuor se unu eva a wach an a luk out, kaa unu no nuo a wich die unu Laad a-go kom bak.

Matyu 24:42 ပူးပေါင်းရင်းမြစ်များ

Matyu 24:36

“Nobadi no nuo di die an di taim wen aal a dem sitn de a-go apm, nobadi no nuo a wen, no iivn di ienjel dem iina evn — onggl Faada Gad wan nuo dat.

Matyu 24:43

Bot andastan dis: Ef di uona fi di ous did nuo a wa taim a nait di tiif a kom, im wudn mek di tiif brok iina im ous.

Matyu 24:44

A siem so unu fi redi, kaa di Man we Gad Pik naa go kom wen unu tingk im a kom.”

Matyu 25:10

“Bot wen dem go we go bai di ail, di braidgruum go kom, an di wan dem we did redi go wid im wich paat di wedn dina did a kip. Den di sorvant dem lak di duor.

Matyu 25:13

“So ier wa, mek shuor se unu eva redi an a luk out, kaa unu no nuo a wich die ar a wa taim di Man we Gad Pik a-go kom bak.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Luuk 21:36

Aalwiez a wach, prie se unu wi kyan get we fram aal a wa a-go apm, an prie se unu kyan tan op infronta di Man we Gad Pik.”

Ruoman 13:11

Dat a wa unu mos du kaaz unu nuo di taim wi a liv iina. Unu nuo se a taim nou fi wiek op an tap sliip, kaaz wi kluosa nou tu di die wen Gad a-go siev wi dan wen wi did fos staat biliiv iina Krais Jiizas.

1 Korintiyan 16:13

Kip unu yai dem uopm, tan op chrang fi wa unu biliiv, no fried a notn an gwaan kip chrang.

1 Tesaluoniyan 5:6

So mek wi no sliip laik dem we a liv iina di daak. Bot mek wi kip wi yai waid uopm an wi ed skruu aan gud.

1 Piita 4:7

Bot, di taim wen aal a dis a-go don suun kom. So klier unu ed an staat tingk chriet, get unu main redi fi akshan, kanchuol unuself an staat liv siiros. Du aal a dat so dat unu kyan prie.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”