Matyu 24:37 - Di Jamiekan Nyuu Testiment

³⁷ Siem ou tingz did tan iina Nowa taim, a siem so it a-go bi wen di Man we Gad Pik kom bak.

Matyu 24:37 ပူးပေါင်းရင်းမြစ်များ

2 Piita 3:6

An a siem waata did flod out an mash op di worl we did de bout wan taim.

2 Piita 2:5

an ef im neva spier di uol taim worl wen im sen flod pan di piipl dem we no bizniz wid im an no lisn we im se, an onggl siev Nowa — wan priicha we priich bout di rait wie — plos sevn ada piipl,

Iibruu 11:7

Afta Gad waan Nowa bout di sitn dem we Nowa kudn si yet, a kaaz Nowa chos iina Gad an av nof nof rispek fi im mek im lisn we Gad se an go bil wan big buot fi siev im fambili. Kaaz Nowa did chos iina Gad so, im kot aaf imself fram di piipl dem iina di worl an shuo se dem rang kaa dem no chos iina Gad. Gad se, “Nowa a sumadi we du wa rait” kaaz Nowa chos iina im.

Matyu 24:39

An dem neehn nuo notn til di flod kom kom tek we di uol a dem. A siem ting a-go apm wen di Man we Gad Pik kom bak.

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 24:3

Wen Jiizas did a sidong pan Mount Aliv im falara dem kom tu im wan said an se, “Tel wi, a wen aal dem sitn ya a-go apm? An a wa kain-a sain a-go shuo se yu a kom bak an di worl suun don?”

Matyu 24:27

Kaaz jos laik ou laitnin flash fram iis go wes an evribadi si it, a siem so di Man we Gad Pik a-go kom bak — evribadi a-go si im.

Matyu 24:30

“Den, yu av sitn we mek evribadi nuo se di Man we Gad Pik a kom, piipl a-go si da sitn de op iina di ier, an piipl fram aal uova a-go staat baal. Dem a-go si di Man we Gad Pik a kom pan kloud we kom outa evn, an im a-go av powa, an wan brait brait lait we kom fram Gad a shain roun im.