Matyu 24:29 - Di Jamiekan Nyuu Testiment

²⁹ “Bot iina dem taim de, likl afta di sofarieshan don, “Di son a-go daak op, di muun naa go shain an di staar dem a-go jrap outa di skai. Evriting we iina di skai a-go get shiek outa dem plies.

Matyu 24:29 ပူးပေါင်းရင်းမြစ်များ

Matyu 24:21

Dem taim de piipl a-go sofa bad bad. Sofarieshan neva so wikid fram di worl a mek til nou, an nobadi naa go eva sofa so agen.

Matyu 24:8

Aal a dem sitn ya a jos di fos set a lieba pien we unu a-go fiil wen di nyuu worl a baan.

2 Piita 3:10

Bot jojment die a-go kom wen wi naa ekspek it — jos laik ou tiif kom. Pan da die de, evn a-go disapier — braps — wid wan loud loud naiz. An evriting we mek op di yuunivors, di son, di muun, di staar an aal a dem sitn de a-go bon op, an di ort an evriting we piipl du pan it a-go bon op tu.

Revilieshan 8:12

Wen di fuot ienjel bluo fi im chompit, sitn lik di son, an di muun an di staar dem. An ef yu plit dem op iina chrii paat, wan paat a dem ton daak. An ef yu plit op di die an di nait dem iina chrii paat, wan paat a dem neehn av no lait.