Matyu 24:27 - Di Jamiekan Nyuu Testiment

²⁷ Kaaz jos laik ou laitnin flash fram iis go wes an evribadi si it, a siem so di Man we Gad Pik a-go kom bak — evribadi a-go si im.

Matyu 24:27 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 16:28

Mi a tel unu dis, an a chuu mi a taak, som a unu we tan op ya-so naa go ded bifuo unu si di Man we Gad Pik a kom ruul az king.”

Matyu 24:26

“So ef sumadi go se, ‘Luk ya, im iina di dezot.’ No go out de. Ar ef dem se, ‘Luk ya! luk ya! Im a aid ya-so!’ No lisn dem.

Matyu 24:3

Wen Jiizas did a sidong pan Mount Aliv im falara dem kom tu im wan said an se, “Tel wi, a wen aal dem sitn ya a-go apm? An a wa kain-a sain a-go shuo se yu a kom bak an di worl suun don?”

Matyu 24:37

Siem ou tingz did tan iina Nowa taim, a siem so it a-go bi wen di Man we Gad Pik kom bak.

Matyu 24:39

An dem neehn nuo notn til di flod kom kom tek we di uol a dem. A siem ting a-go apm wen di Man we Gad Pik kom bak.

Matyu 24:44

A siem so unu fi redi, kaa di Man we Gad Pik naa go kom wen unu tingk im a kom.”

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Jiemz 5:8

A siem so unu fi tan todi an no gi op, kaaz Gad suun kom.

2 Piita 3:4

Dem a-go se, “Im did pramis fi kom, duohn? So we im de? Wi faada faada an wi mada mada an aal a di fambili bifuo dem, dem ded an gaan, bot notn no chienj, evriting tan siem wie fram di taim di worl mek!”