Matyu 24:24 - Di Jamiekan Nyuu Testiment

²⁴ Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik, di faalz prafit dem wi chrik op tu ef dem get di chaans.

Matyu 24:24 ပူးပေါင်းရင်းမြစ်များ

Matyu 22:14

“Kaaz a uol iip a piipl Gad kaal, bot a onggl wan an tuu im pik.”

Matyu 24:11

Nof nof faalz prafit a-go kom bout an chrik chrik op uol iip a piipl,

Matyu 24:22

An ef Gad neehn mek op im main se im a kot dong ou lang da taim de fi laas, nobadi wudn liv. Bot siek-a di piipl dem we im pik, im mek op im main se im a-go kot it dong.

Matyu 24:25

Unu beta memba se mi weehn tel unu dem sitn ya bifuo dem apm.

Matyu 24:31

Im wi sen im ienjel dem fi kom bluo di chompit loud loud, an dem gweehn gyada op di piipl dem we im pik fram naat, sout, iis an wes, fram aal uova di worl.

Matyu 24:5

Kaaz a uol iip a piipl a-go kom yuuz op yuuz op mi niem, an a se, ‘Mi a Krais, a mi Gad sen fi siev piipl,’ an dem a-go fuul op nof piipl.

Matyu 7:15

“Wach out fi faalz prafit tu. Dem kom tu unu a gwaan laik dem a shiip, bot iina dem aat dem a laik wikid wail wulf.

Maak 13:22

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik dem wi chrik op ef dem get di chaans.

Luuk 18:7

So unu no tingk se Gad a-go gi di piipl dem we im pik jostis, iihn, di wan dem we baal tu im die an nait? Unu tingk se im wi kip aan a put dem aaf?

Jan 4:48

Bot Jiizas se tu im se, “Ef unu piipl no si som sain an aal saat a powaful mirikl, unu wuda neva biliiv iina mi.”

Jan 6:37

Evribadi we di Faada gi mi a-go kom tu mi, an mi naa go ron dem.

Jan 6:39

An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die.

Aks 20:16

Paal neva waahn spen no taim iina Iezha, so im did mek op im main fi siel paas Efisos, kaaz im did a ori fi si ef im kuda riich Jeruusilem bifuo Pentikas.

Ruoman 12:18

Ef it kyan apm, du evriting we unu kyan du fi mek shuor se unu liv iina piis wid evribadi.

Gyalieshan 4:15

Dem taim de unu did api, a wa apm fi chienj dat? Kaaz mi nuo fi shuor se dem taim de unu wuda du eniting fi mi. Ef unu kuda tek out unu uona yai dem gi mi, unu wuda du it.

2 Timoti 2:19

Bot Gad foundieshan salid an chrang, it a tan op siem wie. An it av dis rait pan it: “Di Laad nuo di piipl dem we a fi im uon,” an “Enibadi we se Jiizas a ‘Laad’ mos tap du wikid sitn.”

1 Piita 1:5

Di siem wie Gad tek kier a dem, a siem so im powa a-go kip unu sief tu, kaaz unu chos iina im. Im a-go kip unu sief an siev unu iina evri wie, an a pan di laas die unu a-go si aal a dat.

2 Piita 3:17

So fren, laik ou unu nuo dis aredi, wach out an no bada mek di rang we di wikid piipl dem we no bizniz wid Gad a du, kaaz unu fi chrie. Unu biliiv iina Gad chrang chrang nou, so no bada jrap aafa faam.

1 Jan 2:18

Breda an sista di worl suun don. Unu did ier se di wan we go gens Krais Jiizas a-go kom. Wel nof piipl we go gens Krais Jiizas de ya aredi. A so wi nuo se di worl suun don.

1 Jan 2:22

So uu a di laiyad? No di wan we se Jiizas a no di Krais. Da sumadi de a di wan we go gens Gad an im Bwai Pikni — im a ton im bak pan Faada Gad wen im se Jiizas a no Gad Bwai Pikni.

1 Jan 5:18

Wi nuo se nobadi we baan Gad pikni no jos kip aan a sin so. Gad Bwai Pikni kip dem sief, so di devl kyaahn toch dem.

Revilieshan 19:20

Bot di wail animal an di faalz prafit we did du di mirikl dem fi di wail animal get kyapcha. Di faalz prafit did yuuz di mirikl dem fi fuul op di piipl dem we did tek di maak a di wail animal an we worship di sitn we luk laik im. Di tuu a dem get fling dong iina di liek a faiya we a bon wid solfa.