Matyu 24:21 - Di Jamiekan Nyuu Testiment

²¹ Dem taim de piipl a-go sofa bad bad. Sofarieshan neva so wikid fram di worl a mek til nou, an nobadi naa go eva sofa so agen.

Matyu 24:21 ပူးပေါင်းရင်းမြစ်များ

Matyu 24:20

Prie se unu na'afi go ron we wen staam a kom ar iina rieni taim, an pan di Sabat die niida.

Matyu 24:29

“Bot iina dem taim de, likl afta di sofarieshan don, “Di son a-go daak op, di muun naa go shain an di staar dem a-go jrap outa di skai. Evriting we iina di skai a-go get shiek outa dem plies.

Maak 13:9

“Wach out. Chobl a-go riich unu. Dem a-go tek unu an ton unu uova tu di liida dem fi di Juu dem choch, an dem a-go biit unu iina dem choch. An kaaz unu fala mi, unu wi get fi tan op infronta ruula an king an tel dem bout mi.

Luuk 21:24

Dem enimi a-go yuuz suod kil aaf som a dem, an tek som a dem ton prizna a farin. Di piipl dem we a no Juu a-go ruul uova Jeruusilem an mek dem sofa til fi dem taim don.

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.

Revilieshan 16:18

Den laitnin flash, an wan piis a tonda klap, an wan torbl torbl ortkwiek shiek. Fram Gad put piipl pan ort, no ortkwiek so torbl neva apm yet — it did wel torbl.

Revilieshan 7:14

Mi ansa im se, “Sa, yu nuo di ansa.” Den im se, “Yu si dem piipl ya, dem a di wan dem we go chuu di torbl torbl sofarieshan. Dem wash dem kluoz wait wait iina di Biebi Shiip blod.