Matyu 24:10 - Di Jamiekan Nyuu Testiment

¹⁰ Uol iip a piipl a-go gi op an tap fala mi. Dem a-go sel out dem wan aneda an iet dem wan aneda.

Matyu 24:10 ပူးပေါင်းရင်းမြစ်များ

Matyu 10:21

“Breda an sista a-go infaam pan dem uona breda an sista dem, an mek di piipl dem we a ruul kil dem. A siem so, wan faada a-go an uova im uona pikni. Pikni a-go ton gens dem faada an mada an mek di ruula dem kil dem.

Matyu 11:6

Gad bles di piipl dem we no tap chos iina mi jos kaa mi no gwaan ou dem tingk di wan we dem a wiet pan fi gwaan.”

Matyu 13:21

Bot siem laik di plaant uufa ruut no go dong diip iina di grong, im no mek Gad wod go diip iina im aat, so im no laas no taim. Bot wen tof taim lik im siek-a Gad wod, im gi op an ton bak siem taim — siem laik ou di plaant jrai op an ded.

Matyu 13:57

An so dem did beks an neehn waahn diil wid Jiizas non at aal. Bot Jiizas se tu dem se, “Piipl eva rispek an big op prafit yu no, onggl di piipl dem we im baan an gruo mongks an uu im liv wid no shuo im da rispek de.”

Matyu 24:11

Nof nof faalz prafit a-go kom bout an chrik chrik op uol iip a piipl,

Maak 13:12

“Breda an sista a-go infaam pan dem uona breda an sista dem an mek di piipl dem we a ruul kil dem. A siem so, wan faada a-go an uova im uona pikni. Pikni a-go ton gens dem faada an mada an mek di ruula dem kil dem.

Maak 4:17

Bot siem laik di plaant uufa ruut no go dong diip iina di grong, dem no mek Gad wod go diip iina dem aat, so dem no laas no taim. Wen tof taim lik dem siek-a Gad wod, dem gi op an ton bak siem taim — siem laik ou di plaant jrai op an ded.

Luuk 21:16

Aal mada, faada, breda, fambili an fren, a-go sel unu out, an dem a-go kil som a unu.

2 Timoti 1:15

Yu nuo se evribadi roun a Iezha said ton dem bak pan mi, aal di wan Fijilos an di wan Ormajinis.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

2 Timoti 4:16

Wen mi did go a kuot fi di fos taim fi chrai difen miself nobadi neva kom sopuot mi, di uol a dem lef mi fi fen fi miself. Mi uop Gad no uol it gens dem.