Matyu 23:9 - Di Jamiekan Nyuu Testiment

⁹ An unu no fi kaal nobadi ya-so pan ort unu ‘faada,’ kaa a onggl wan Faada de bout an im de a evn.

Matyu 23:9 ပူးပေါင်းရင်းမြစ်များ

Matyu 23:10

An mi se, nobadi no fi kaal unu ‘tiicha,’ kaa a onggl wan Tiicha unu av an dat a di wan we Gad sen fi siev piipl, di Krais.

Matyu 6:32

Kaaz a di piipl dem we no nuo Gad kip aan a tingk bout dem sitn de. Fu'unu Faada nuo se unu kyaahn du widout dem.

Matyu 7:11

Ef unu so wikid an stil nuo ou fi gi unu pikni nais sitn, unu no tingk se unu Faada we iina evn wi gi beta sitn tu di piipl dem we aks im fi sopm!

Aks 22:1

“Aal a unu we uolda dan mi an aal a unu we a di siem iej laik mi, lisn tu wa mi av fi se tu unu.”

1 Korintiyan 4:15

Kaaz iivn duo unu mait-a av ten touzn tiicha fi elp unu liv ou Gad waahn unu fi liv, a no aal a dem a-go komiin laik wan faada tu unu. Bot mi a unu faada kaaz a mi fos bring di Gud Nyuuz kom gi unu an elp unu fi biliiv.

2 Korintiyan 6:18

Mi wi bi unu faada, an unu wi bi mi bwai an gyal pikni dem.” Dat a wa di Laad we muor powaful dan evri an eniting se.

Iibruu 12:9

Pan tap a dat, di uol a wi faada we de pan ort, dem rof wi op wen wi du rang, an wi rispek dem fi dat. Den a umoch muo so wi fi gi iin tu di faada we de a evn so wi kyan riili liv.

1 Jan 3:1

Luk umoch di Faada lov wi. Im kaal wi im uona pikni, an wi a riili fi im pikni fi chuu. Di piipl dem iina di worl no nuo wi, jos laik ou dem neva nuo Gad niida.