Matyu 23:8 - Di Jamiekan Nyuu Testiment

⁸ “Bot nobadi no fi kaal unu, ‘tiicha,’ kaa a onggl wan Tiicha de bout, plos di uol a unu a breda an sista; nobadi no aiya dan nobadi.

Matyu 23:8 ပူးပေါင်းရင်းမြစ်များ

Matyu 10:25

Fi di falara kom ton laik im tiicha — di falara no waahn muo dan dat, an fi di sliev kom ton jos laik im maasta, di sliev sopuoz fi aarait wid dat. Ef piipl kaal di ed fi di ous ‘Belzibul, di diiman ruula,’ a wich wosa niem dem a-go kaal di res a im fambili dem?

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Matyu 23:10

An mi se, nobadi no fi kaal unu ‘tiicha,’ kaa a onggl wan Tiicha unu av an dat a di wan we Gad sen fi siev piipl, di Krais.

Matyu 23:7

Dem lov wen piipl gi dem speshal oudi wen dem go a maakit, an wen dem kaal dem, ‘Tiicha’.

Matyu 26:25

Den Juudas, di sed wan we did a go sel out Jiizas, ier im no, “A kyaahn mi, Tiicha?” Jiizas se, “Yu se so yuself.”

Matyu 26:49

So siem taim im go op tu Jiizas an se, “Oudi Tiicha,” an kis im.

Maak 10:51

Jiizas aks im se, “Wa yu waahn mi fi du fi yu?” Di blain man ansa im se, “Tiicha, mi waahn fi si.”

Maak 11:21

Piita memba wa Jiizas did se tu di chrii. Den im se, “Tiicha, luk! Di chrii we yu did se nobadi naa go eva nyam fram agen, it jrai op!”

Maak 14:45

Wen Juudas riich im waak rait op tu Jiizas siem taim an se, “Tiicha!” an kis im.

Maak 9:5

So Piita se tu Jiizas se, “Tiicha, a gud ting se wi did de ya. Mek wi bil op chrii shed no — wan fi yu, wan fi Muoziz an wan fi Ilaija.”

Luuk 22:32

Bot mi prie fi yu, Saiman, so yu no tap biliiv. An wen yu chos iina mi muo agen, elp yu breda dem fi chos iina mi tu.”

Jan 1:38

Wen Jiizas ton roun an si dem, im aks dem se, “A wa unu waahn?” So dem ansa im an se, “Rabai, we yu liv?” (Rabai iina fi dem langwij miin Tiicha.)

Jan 1:49

Wen Nataniyel ier Jiizas se dat de, im se, “Rabai! Tiicha! Yu a Gad Bwai Pikni fi chuu! Yu a di King we ruul uova Izrel!”

Jan 11:8

“Bot Tiicha,” dem se, “no jos di ada die di Juu dem did a chrai fi stuon yu kil yu, an yu a go bak de?”

Jan 20:16

Den Jiizas se tu ar se, “Mieri!” Shi ton fi fies im an baal out iina di Iibruu langwij, “Rabonai!” (dat miin “Tiicha”).

Jan 3:2

Im go luk fi Jiizas wan nait an se tu im se, “Tiicha, wi nuo se a Gad sen yu fi kom tiich, kaa nobadi kyaahn wok di mirikl dem we yu wok, ef a no Gad a kaaz dem fi dwi'it.”

Jan 3:26

Dem go uova tu Jan an se tu im se, “Tiicha, di man we did de de wid yu pan di ada said a Riva Jaadn — di wan we yu did a taak bout — luk, si'im de a baptaiz tu, an evribadi a go tu im.”

Jan 4:31

Sed taim dat did a gwaan, Jiizas falara dem did a beg im fi nyam sitn. Dem se tu im se, “Tiicha, nyam sitn no!”

Jan 6:25

Wen dem fain im pan di ada said a di liek, dem se tu im se, “Tiicha, a wen yu riich uova ya-so?”

Jan 9:2

So im falara dem aks im se, “Tiicha, a uu sin mek da man ya baan blain, im ar im mada an faada?”

2 Korintiyan 1:24

Wi a no som baas we a chrai fi ruul uova unu an tel unu wa fi biliiv. Wi a wok wid unu fi mek unu api kaaz unu chrang iina wa unu biliiv.

2 Korintiyan 4:5

A dat mek wi no priich bout wiself bot wi priich an tel unu se Jiizas Krais a Laad. Wi, wi a onggl unu sorvant, kaaz a dat im sen wi fi du.

Ifiijan 3:15

A im mek evribadi we de a evn an aal uu de pan ort.

Failiiman 1:16

Nou im a no jos wan sliev, im a muor dan dat. Oniisimos a yu sliev bot nou im a yu breda tu. Im a yu gud gud breda chuu im biliiv iina Jiizas jos laik wi. Im miin uol iip tu mi an im a-go miin nof muor tu yu.

Jiemz 3:1

Mi breda an sista, nof a unu no fi ron go chrai ton tiicha, kaaz unu nuo se wi we a tiicha a-go get joj aada.

1 Piita 5:3

No aada-aada roun di piipl dem we Gad gi unu fi tek kier a. Bot unu fi biyiev gud so dem wi waahn fala unu.

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Revilieshan 22:9

bot di ienjel se tu mi se, “Nuo, no du dat! Mi a wan sorvant jos laik yu an yu breda — di prafit dem, an aal uu du we rait dong iina da buk ya. A Gad yu fi worship!