Matyu 23:27 - Di Jamiekan Nyuu Testiment

²⁷ “A se, yu si unu Laa tiicha an Farisii — chobl fu'unu! Set a ipokrit unu! Unu tan laik tuum we dem pient wait a ier taim — priti pan di outsaid bot insaida dem ful op a ded man buon an aal kain-a doti, ratn sitn.

Matyu 23:27 ပူးပေါင်းရင်းမြစ်များ

Matyu 23:28

A siem so pan di outsaida unu luk laik gud gud piipl we du evriting we mek Gad api, bot iina unu aat unu a big big ipokrit — wikid an ful op a sin!

Luuk 11:44

“Chobl fi unu, kaaz unu komiin laik griev wa piipl waak pan an no nuo se it de de, chuu dem no av no maak pan dem.”

Aks 23:3

Den Paal se tu im se, “Gad a-go chraik yu dong, yu wait wash waal yu! Yu sidong de laik wan joj we a du wa di Laa se, bot yu brok di Laa an aada dem fi baks mi?”

Gyalieshan 6:12

Di wan dem we a chrai fuos unu fi get sorkomsaiz, dem jos waahn fi brag an buos bout demself. Dem a push unu fi get sorkomsaiz so dat dem no sofa. Kaaz dem wuda a sofa ef dem did a tel piipl bout ou Jiizas ded pan di kraas fi siev dem.