Matyu 23:23 - Di Jamiekan Nyuu Testiment

²³ “A se chobl fu'unu Laa tiicha, an aal unu Farisii — chobl! Ipokrit! Unu gi Gad wan outa evri ten mint, spais laik dil, an ada siiznin laik kyuumin, bot di sitn dem we muo impuotant iina Gad Laa unu no bizniz wid dem de. Im se unu fi chriit piipl fier, unu fi gud an kain tu dem an fi mek shuor se im kyan chos unu kaa unu du wa im se unu fi du, bot unu no pie dem paat a di Laa de no main. A dem paat a di Laa de unu fi fala, bot unu fi stil memba fi du di ada wan dem tu.

Matyu 23:23 ပူးပေါင်းရင်းမြစ်များ

Luuk 11:42

“Aal unu Farisii — Chobl fi unu, kaaz outa evri ten bongl a mint, tii bush an di sitn dem we unu gruo iina unu gyaadn, unu gi Gad wan. Bot stil unu no diil wid piipl fier an unu no lov Gad niida. Wa unu fi du a diil wid piipl fier, lov Gad an gi Gad di wan outa evri ten we unu av siem wie.

Matyu 9:13

Gwaan go fain out a wa dis miin: ‘Mi waahn piipl fi gud an kain tu piipl, no fi dem kom kom bon sakrifais gi mi.’ Kaaz mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Luuk 18:12

Mi faas tuu taim fi di wiik an evriting we mi get mi shier it op iina a ten an gi yu wan.’

Matyu 12:7

Ef unu did nuo wa dis ya miin: ‘Mi waahn piipl fi gud an kain tu piipl, no fi piipl kom kom bon sakrifais gi mi,’ unu wudn rait aaf piipl we no du notn rang an gwaan laik se dem a sina.

Matyu 23:13

“Bot yu si aal dem Laa tiicha ya an di Farisii piipl dem, chobl fu'unu! Uol ipokrit! Unu shot Gad kindom iina piipl fies! Unu no go iin de, an unu naa lou piipl we a chrai fi go iin de, fi go iin.