Matyu 22:7 - Di Jamiekan Nyuu Testiment

⁷ Di king beks kyaahn don! So im sen out im suoja dem, an di suoja dem kil aaf di uol mordara dem an bon dong dem toun.

Matyu 22:7 ပူးပေါင်းရင်းမြစ်များ

Luuk 19:27

Yu si dem we iet mi an neva did waahn mi ton dem king, kyari dem kom kil dem rait ya-so.’ ”

Luuk 21:24

Dem enimi a-go yuuz suod kil aaf som a dem, an tek som a dem ton prizna a farin. Di piipl dem we a no Juu a-go ruul uova Jeruusilem an mek dem sofa til fi dem taim don.

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.

Luuk 21:21

Evribadi iina Judiya fi ron go op iina di mountn dem. Uu iina di siti fi kom out an uu de iina di konchri no fi kom a di toun.

Matyu 22:6

Di res a dem uol aan pan im sorvant dem. Dem biit dem op an kil dem aaf.

Matyu 22:8

“Den im se tu im sorvant dem, ‘Di wedn redi bot uu mi invait no fit fi kom.