Matyu 22:5 - Di Jamiekan Nyuu Testiment

⁵ “Bot dem neva weehn a tek im aan at aal, an dem lef go we sed wie. Som go a dem faam, som did av bizniz fi tek kier a.

Matyu 22:5 ပူးပေါင်းရင်းမြစ်များ

Iibruu 2:3

den a ou wi a-go get we, ef wi ton wi bak pan da impuotant mesij ya bout ou Gad a-go siev wi, an no pie it no main, iihn? A di Laad Jiizas imself did fos tel piipl bout it yu nuo. An den di piipl dem we did ier im, mek wi nuo se it go so fi chuu.

2 Timoti 3:4

Dem a-go ton chrieta an dem a-go du bie kielis sitn. Piipl iina di laas die dem a-go gwaan laik dem beta dan evribadi els. Insted-a lov Gad dem a-go lov fi du di sitn dem we dem tingk a fon, iivn ef Gad se dem no fi du dem.

Ruoman 8:6

Nou, ef yu onggl a tingk bout di sitn dem we yu badi waahn fi du, yu a-go ded. Bot ef aal yu a tingk bout a di sitn dem we Gad Spirit waahn yu fi du, Gad wi mek yu riili liv an gi yu piis iina yu aat.

Ruoman 2:4

Gad tek im taim wid unu, im put op wid unu an im no ponish unu siem taim wen unu du rang. Unu no si se Gad gud tu unu? Ar a kier unu no kier bout dem sitn de? Unu no si se Gad kain tu unu, kaaz im chrai fi get unu fi ton we fram sin an sari fi di rang we unu du?

Aks 24:25

Wail Paal did a taak bout wa it miin fi sumadi du we rait, kanchuol demself, an di die wen Gad a-go joj evribadi fi aal we dem du, weda gud ar bad, Fiiliks kech im fried an se tu Paal se, “Dat inof fi nou. Yu kyan lef. Wen mi fain taim mi wi sen fi yu agen.”

Aks 2:13

Bot som a dem laaf aafa di biliiva dem an se, “A jongk dem jongk man. Dem jringk tu moch wain we jos mek.”

Matyu 13:22

Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Matyu 22:4

“So im sen som ada sorvant, ier im no, ‘Tel aal a uu mi did invait se, “Luk ya no, di big dina we mi did a fiks op fu'unu, it redi nou. Mi tek out mi naisis bulkou an mi speshal kou we mi mek get big an fat so dem wuda iit gud. A dem mi kil an evriting redi nou. Kom a di wedn dina.’

Matyu 22:6

Di res a dem uol aan pan im sorvant dem. Dem biit dem op an kil dem aaf.

Jan 2:16

Im se tu dem we did a sel di dov dem se, “Tek we dem sitn ya outa ya! No tek mi Faada ous ton maakit!”

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!