Matyu 22:44 - Di Jamiekan Nyuu Testiment

⁴⁴ “‘Di Laad se tu fi mi Laad se: “Sidong a mi rait-an-said til mi put yu enimi dem anda yu fut”’

Matyu 22:44 ပူးပေါင်းရင်းမြစ်များ

Matyu 22:45

So ef Dievid kaal im ‘Laad,’ ou im fi bi Dievid pikni? iihn?”

Matyu 26:64

So Jiizas se tu im se, “Yu se it yuself. Bot ier mi no, fram nou aan yu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Maak 16:19

Afta di Laad Jiizas don taak tu dem, Gad tek im op iina evn an mek im sidong a im rait-an-said.

Luuk 19:27

Yu si dem we iet mi an neva did waahn mi ton dem king, kyari dem kom kil dem rait ya-so.’ ”

Jan 20:28

Den Tamas se tu im se, “Yu a mi Laad an mi Gad!”

1 Korintiyan 1:2

Da leta ya a fi aal a Gad piipl we de iina Korint. Gad kaal unu fi bi im piipl an di uol a unu bilang tu im, kaaz a im mek unu an Jiizas ton wan. A no jos unu wi a rait tu — wi a rait tu evribadi we se Jiizas a dem Laad laik wi.

1 Korintiyan 15:25

Kaaz Jiizas afi ruul uova di kindom, til im put di uol a im enimi dem anda im fut.

Filipiyan 3:8

Bot a no onggl dat, mi si se aal a dem sitn de no wot notn. Dem kyaahn kom kluos tu di powa we kom wen yu nuo mi Laad Jiizas Krais. Wen yu nuo Jiizas Krais, notn at aal kyaahn kom kluos tu dat. Evriting els komiin laik gyaabij tu mi nou. Mi gi op evriting fi get fi nuo Krais Jiizas an dat a di onggl ting we mata tu mi nou.

Iibruu 1:13

Wich wan a di ienjel dem Gad eva se dis tu: “Sidong rait saida mi, a mi rait an, an kom ruul uova evriting. Sidong de til mi mek yu enimi dem kom ben dong infronta yu, mek yu kak op yu fut pan dem”?

Iibruu 1:3

Wen yu luk pan Gad Bwai Pikni, yu kyan si Gad brait brait lait. An im shuo ou Gad tan, kaaz im komiin jos laik Gad. An im powaful wod mek evriting tan jos laik ou dem fi tan. So wen im don mek di wie so piipl kyan get paadn fram sin im go sidong op a evn, rait saida di wan we muo powaful dan evribadi els. An wich paat im sidong iina evn, a di tap-a-tap pozishan dat, an im get fi ruul uova evriting.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.

Revilieshan 19:19

Den mi si di wail animal an di king dem fram aal uova di worl an dem aami dem gyada op fi mek waar gens di raida pan di aas an fi im aami.