Matyu 22:11 - Di Jamiekan Nyuu Testiment

¹¹ “Wen di king a kom iin nou fi si uu did de de, im si wan man we neehn av aan no wedn kluoz.

Matyu 22:11 ပူးပေါင်းရင်းမြစ်များ

Matyu 13:30

Mek di tuu a dem gruo til a taim fi gyada we plaant op. Wen da taim de kom mi wi tel di wokman dem fi gyada op di wiid an tai dem iina wan bonggl fi bon. Bot di wiit dem, dem a-go gyada dem op an put dem iina mi bochri.’ ”

Matyu 22:10

An di sorvant dem go out wich paat di mien ruod dem de an gyada op evribadi we dem fain: gud piipl, bad piipl — evribadi! Wich paat di wedn dina weehn a kip weehn ful op wid wan bag a piipl wen dem don.

Matyu 3:12

Im av im faak iina im an redi, an im a-go riek op di fluor wich paat di grien chrash out. Im a-go gyada op di grien an put it iina di bochri, bot im a-go bon op di chrash iina wan faiya we kyaahn out.”

Ruoman 13:14

Insted-a aal a dat, unu fi mek Jiizas Krais ruul uova unu an tap tingk bout di wikid sitn dem we unu badi waahn fi du an ou unu kyan get dem sitn de.

Ruoman 3:22

Gad onggl mek tingz rait bitwiin im an piipl wen dem biliiv iina Jiizas Krais. A so it go fi evribadi weda yu a Juu ar yu a no Juu.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

2 Korintiyan 5:3

An wen wi put aan da nyuu badi de, wi naa go jos bi spirit wan bot wi spirit wi av badi.

Gyalieshan 3:27

Aal a unu get baptaiz, an so nou unu an Jiizas a wan. An wen unu get baptaiz unu staat fi biyiev an gwaan laik im.

Ifiijan 4:24

An unu lorn fi liv laik wan nyuu sumadi we Gad mek aal uova agen. Gad mek unu fi tan jos laik im — fi du wa rait an wa gud an kliin azkaadn tu di chuut.

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”

Revilieshan 19:8

Gad gi ar kluoz fi wier, we mek outa priti linin we brait an kliin.” (Di priti kliin linin a di rait sitn dem we Gad piipl dem du.)

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Revilieshan 3:18

Dis a wa mi tingk unu shuda du, bai guol fram mi, guol we bon iina faiya fi get out aal wa no fi iina it. Ef unu bai da guol de, unu wuda riili get rich. Bai wait kluoz fram mi so unu kyan kova op unuself. Da wie de unu na'afi shiem kaaz unu na'av aan no kluoz. An bai yai jrap fram mi tu fi jrap iina unu yai dem so unu kyan si.