Matyu 21:28 - Di Jamiekan Nyuu Testiment

²⁸ “Tel mi wa unu tingk? Wan man did av tuu bwai pikni. Im go tu di fos wan an se, ‘Mi bwai, gwaan go wok pan mi griep faam tide.’

Matyu 21:28 ပူးပေါင်းရင်းမြစ်များ

Matyu 17:25

So Piita se, “Ye man.” Wen Piita kom iina di ous, bifuo im kuda se notn Jiizas se tu im se, “Wa yu tingk Saiman? Di king dem fi da ort ya, a uu dem kalek tuol ar taks fram: dem uona piipl ar farina?”

Matyu 20:1

“Gad kindom komiin laik wan man we uon wan faam. Im go we orli iina di maanin go tek aan som wokman fi im griep faam.

Matyu 21:27

So dem se tu Jiizas se, “Wi no nuo.” So Jiizas se tu dem se, “Den mi naa tel unu a uu gi mi di rait fi du dem sitn ya niida.

Matyu 21:29

“Di bwai se, ‘Mi naa go no we.’ Bot lietaraan im chienj im main an go.

Matyu 21:33

“Ier da tuori ya tu: Yu weehn av wan man we uon wan griep faam an di man plaant op im faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.

Matyu 22:17

So tel wi sa, wa yu tingk, it rait fi wi pie taks tu Siiza, di Ruoman ruula, ar wi no fi pie notn?”

Maak 13:34

Da taim de komiin laik wan man we a go we pan wan chrip. Im lef im sorvant dem inchaaj a im ous an gi evri wan a dem di wok we dem fi du. An im tel di wan we a gyaad di duor fi kip wach.

Luuk 13:4

Di ietiin we ded wen di towa iina Sailuom jrap pan dem, unu tingk se dem did wosa dan di res a piipl we liv iina Jeruusilem?

1 Korintiyan 10:15

Mi a taak tu unu laik piipl we av sens, so joj wa mi a se fi yuself.

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.