Matyu 21:15 - Di Jamiekan Nyuu Testiment

¹⁵ Bot wen di ed priis an Laa tiicha dem si di mirikl dem we im du, an ier di pikni dem iina di yaad we Gad ous de a baal out se, “Priez im! Mek wi priez Dievid pikni” dem beks kyaahn don,

Matyu 21:15 ပူးပေါင်းရင်းမြစ်များ

Matyu 20:24

Nou wen di ada ten falara dem ier dis, dem did beks wid di tuu breda dem.

Matyu 21:23

Nou afta Jiizas did go bak iina di yaad we Gad ous de, wen im did a tiich, di ed priis an di elda fi di piipl dem kom tu im. Dem aks im se, “Wa rait yu av fi du dem sitn ya, an a uu gi yu di rait fi du dem?”

Matyu 21:9

Di kroud a piipl dem we waak infronta Jiizas, an di wan dem baka im did kip aan a shout out, “Priez Gad! Priez Dievid pikni!” “Gad bles di wan we im sen kom — im sen im wid fi'im powa!” “Priez Gad we iina evn!”

Matyu 22:42

“Di wan we a kom fi siev piipl, di Krais, wa unu tingk bout im? A uufa bwai pikni im bi?” So dem se, “A Dievid pikni.”

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Matyu 26:59

Di ed priis an aal a di Juu liida dem did a chrai kom op wid aal kain-a lai fi tel pan Jiizas so dem kuda kil im.

Matyu 27:1

Orli orli iina di maanin, aal a di ed priis an Juu elda dem miit op an mek op dem main fi kil Jiizas.

Matyu 27:20

Bot di ed priis an Juu elda dem push di piipl dem fi aks fi Barabas an fi mek dem kil Jiizas.

Matyu 9:27

Wen Jiizas did a lef de-so, tuu blain man did staat fala im an did a baal out, “Dievid pikni! Tek piti pan wi!”

Maak 11:18

Di ed priis an di Laa tiicha dem ier wa Jiizas se, an dem staat luk fi wan wie fi kil im, kaaz dem did fried a im, kaaz im did a tiich so gud it did shak di uol kroud a piipl.

Luuk 20:1

Wan die, Jiizas did a tiich di piipl dem an a priich di Gud Nyuuz iina di yaad we Gad ous de. Di ed priis dem, di Laa tiicha dem an di elda dem kom tu im.

Luuk 22:2

an di ed priis an di Laa tiicha dem, did a chrai fain wan wie fi get rid a Jiizas anda di kwaiyat, kaaz dem did fried a di piipl dem.

Luuk 22:66

Wen maanin kom, di gruup we mek op a di ed priis an di Laa tiicha dem, miit op, an gi aada fi Jiizas kom bifuo dem.

Jan 11:57

(Nou, di ed priis dem an di Farisii dem did gi out aada se ef nobadi fain out we Jiizas de, dem fi tel dem so dem kyan get fi lak im op.)

Jan 12:19

So di Farisii dem se tu dem wan aneda se, “Unu si se unu kyaahn du wan ting. Ku de, di uol worl a ron aafa im!”

Jan 4:1

Nou, di Farisii dem did ier se Jiizas did a get an baptaiz muo falara dan Jan

Jan 7:42

Gad wod no se dat di Krais gweehn kom fram Dievid fambili an fram outa Betliyem, di toun we Dievid did liv?”