Matyu 21:11 - Di Jamiekan Nyuu Testiment

¹¹ An di kroud a piipl dem we did a fala baka Jiizas did a se, “A di prafit Jiizas dis ya we kom fram Nazaret iina Gyalalii.”

Matyu 21:11 ပူးပေါင်းရင်းမြစ်များ

Jan 6:14

Wen di piipl dem si di powaful sitn we Jiizas du, dem staat se tu dem wan aneda, “A di Prafit we did fi kom iina di worl dis fi chuu!”

Jan 7:40

Wen som a di piipl dem iina di kroud ier we Jiizas se, dem se, “Fi riil, da man ya a di Prafit.”

Luuk 7:16

Evribadi fraitn, an dem staat priez Gad. Dem se, “Wan a di prafit dem de ya mongks wi, wan powaful wan! Gad kom fi elp im piipl dem.”

Aks 7:37

“Dis a di siem Muoziz we tel di Izrelait dem se, ‘Gad a-go sen unu wan prafit jos laik mi fram mongks unu uona piipl.’

Jan 9:17

Dem ton tu di man we did blain wan neks taim an aks im se, “A fi yu yai dem im mek get beta. Wa yu afi se bout im?” So di man se tu dem se, “Im a wan prafit.”

Matyu 2:23

Im kom a wan toun niem Nazaret an tan de-so. A so kom wa di prafit dem did se kom chuu. Azkaadn tu di prafit dem, dem a-go kaal Jiizas wan Nazariin man.

Jan 4:19

“Sar,” shi se tu Jiizas, “mi kyan si se yu a wan prafit.

Jan 1:21

So dem aks im se, “Den a uu yu den? Ilaija?” Jan se, “Nuo, mi a no Ilaija!” “So, yu a di prafit?” Bot Jan tel dem se, “Nuo!”

Maak 6:15

Som ada piipl did a se, “Im a Ilaija!” Stil som ada piipl did a se, “Im a wan prafit, laik wan a di prafit dem fram wie bak wen.”

Luuk 24:19

Jiizas aks dem, “Wa kain-a sitn?” Dem se tu im se, “Bout Jiizas fram Nazaret. Im did se an du som powaful sitn yu si we shuo aal di piipl dem se im a wan a Gad prafit dem.

Jan 1:25

Ier wa dem se tu im, “So, ef yu a no di Krais, an ef yu a no Ilaija ar di Prafit, a wa mek yu a baptaiz piipl den?”

Luuk 13:33

Mi afi gwaan we mi a go tide an tumaro an di neks die. Kaaz no prafit kyaahn ded outsaida Jeruusilem!

Luuk 7:39

Wen di Farisii we invait Jiizas si dis, im se tu imself, “Ef da man ya did a wan prafit, im wuda nuo wa kain-a uman a toch im!”

Matyu 21:10

Wen im riich iina Jeruusilem di uol toun kech a faiya, evribadi a se, “A uu dis ya?”

Matyu 21:26

Bot ef wi se, ‘A man’, di kroud a piipl no wi ton dong pan wi, kaa di uol a dem tek Jan fi wan prafit — wi fried dat go apm.”

Matyu 21:46

Dem did waahn lak im op, bot di kroud a piipl dem mek dem kech dem fried. Kaaz di piipl dem did tek Jiizas fi wan prafit.