Matyu 20:8 - Di Jamiekan Nyuu Testiment

⁸ “Wen iivnin kom dong nou di faam uona se tu im manija se, ‘Kaal di wokman dem an pie dem. Staat wid di laas set a man dem we mi tek aan, an pie aal a dem dong tu di fos set.’

Matyu 20:8 ပူးပေါင်းရင်းမြစ်များ

1 Piita 4:10

Gad gi unu difrant difrant gif. Evri wan a unu fi yuuz wat-eva gif Gad gi unu, an yuuz it gud. Yuuz it elp ada piipl.

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

2 Korintiyan 5:10

Kaaz aal a wi a-go afi tan op infronta Krais Jiizas, an im a-go joj wi. An weda gud ar bad, im a-go pie bak evri wan a wi fi di sitn dem we wi du wen wi did de pan ort.

Luuk 12:42

Di Laad ansa im se, “Uu a di manija we di maasta kyan chos an dipen pan? A dat de wan im a-go put inchaaj a im sorvant dem, fi gi dem fi dem shier a di fuud wen di rait taim kom.

Luuk 10:7

Di man we lov piis an tek unu iin, a fi'im yaad unu fi tan. Nyam an jringk wa dem gi unu, kaaz ef sumadi wok dem fi get pie. Unu fi tan a wan yaad an no muuv fram yaad tu yaad.

Luuk 8:3

Jowana, Kuuza waif, (Kuuza did inchaaj a aal a di sitn dem we bilang tu Erad), Suuzana, plos nof ada uman. Aal dem uman ya did a yuuz wat-eva dem av fi elp sopuot Jiizas an im speshal falara dem.

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Matyu 25:19

“Lang afta dat, di maasta fi di sorvant dem kom bak an kom kom fain out a wa dem weehn du wid im guol dem.

Matyu 20:7

“Dem ansa bak, ‘Kaaz nobadi naa gi wi no wok sa.’ “So im se tu dem se, ‘Unu gwaan go wok pan mi griep faam tu.’

Matyu 20:9

“Wen di wan dem we staat wok bout faiv aklak kom fi fi dem pie, aal a dem get wan uol a die pie.