Matyu 20:28 - Di Jamiekan Nyuu Testiment

²⁸ A so it fi go, jos laik ou di Man we Gad Pik neehn kom ya fi nobadi sorv im; a kom im kom ya fi sorv piipl an fi gi op im laif so piipl kyan get frii fram dem sin.”

Matyu 20:28 ပူးပေါင်းရင်းမြစ်များ

Matyu 20:27

an nobadi we de mongks unu an waahn big op a front, dem afi ton unu sorvant.

Matyu 26:28

Kaaz dis a mi blod. A da blod ya yuuz fi set op di nyuu plan we Gad mek wid unu. A da blod ya ron fi evribadi, so dem kyan get paadn fi dem sin.

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Maak 10:45

Jos laik ou di Di Man we Gad Pik neehn kom ya fi nobadi sorv im, a kom im kom ya fi sorv piipl an fi gi op im laif so piipl kyan get frii fram dem sin.”

Maak 14:24

Den im se tu dem se, “Dis a mi blod we set op di nyuu plan we Gad mek wid unu, mi blod we bliid out fi nof piipl.

Luuk 22:27

Tel mi sopm, uu aiya dan uu? Di wan we sidong a di tiebl ar di wan we a sorv? No di wan a di tiebl? Bot mi de ya mongks unu a sorv.

Jan 10:15

— siem laka ou di Faada nuo mi an mi nuo di Faada. An mi gi op mi laif fi mi shiip dem.

Ruoman 4:25

Gad sen Jiizas fi ded siek-a fi wi sin dem an Gad mek im kom bak alaiv so dat tingz kyan rait bitwiin wi an Gad.

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

Gyalieshan 3:13

Nou wi no aalwiez fala aal a di Laa dem an siek-a dat Gad wuda ponish wi. Bot Krais Jiizas siev wi fram get ponish wen im kom an sofa fi wi. Im get ponish so wi wudn get ponish. It aal rait dong iina Gad wod se, “Enibadi we dem eng op pan wan kraas — Gad a ponish dem.”

Ifiijan 1:7

Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

1 Timoti 2:6

Jiizas gi op im laif so dat im kuda bai bak evribadi an frii dem fram sin. Wen Jiizas ded, im shuo se Gad did av wan plan fi siev piipl bot iina fi im uona taim.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Iibruu 2:10

Evriting a Gad uon, an im yuuz im powa mek evriting an kip dem ou dem fi tan. So a di rait ting im du wen im mek di wan we a-go liid piipl fi get siev, sofa, an da wie de get fi im rait pozishan. Gad du dat so im kuda yuuz im fi mek uol iip a piipl kom fala im an ton Gad pikni dem.

Iibruu 5:8

Iivn duo Krais Jiizas a Gad uona pikni, wen im go chuu sofarieshan im did lorn fi lisn wa Gad se an du wa Gad se fi du.

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

1 Jan 2:2

Jiizas Krais a di wan we gi op im laif so wi kuda get paadn fi wi sin dem an dat evribadi iina di worl kuda get paadn tu.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.