Matyu 20:24 - Di Jamiekan Nyuu Testiment

²⁴ Nou wen di ada ten falara dem ier dis, dem did beks wid di tuu breda dem.

Matyu 20:24 ပူးပေါင်းရင်းမြစ်များ

Matyu 20:23

So Jiizas se tu dem se, “Unu wi sofa ye; mmhm — unu wi jringk mi kop, bot fi sidong a mi rait-an-said an mi lef-an-said, a no mi wok out da wan de. Kaaz dem pozishan de don put op aredi fi di wan dem we mi Faada se fi get dem.”

Matyu 20:25

Bot Jiizas kaal dem an se, “Unu nuo se di piipl dem we a no Juu, fi dem ruula dem lov kanchuol dem an lov shuo se a dem av powa, an aal dem ed ruula — dem lov baas baas op di piipl dem tu.

Maak 10:14

Wen Jiizas si dis, im get beks an se, “Lou di pikni dem mek dem kom! No chrai tap dem, kaaz Gad kindom a fi piipl we komiin laik dem likl pikni ya.

Maak 10:41

Nou wen di ada ten falara dem ier dis, dem get mad wid Jiemz an Jan.

Luuk 13:14

Di ed man fi di Juu dem choch did beks kyaahn don, kaaz Jiizas get ar beta pan di Sabat. So im se tu di piipl dem, “Siks die de iina di wiik fi wok. Kom get beta pan wan a dem de die de, no dwi'it pan di Sabat!”

1 Korintiyan 13:4

Wen sumadi av lov iina dem aat, dem kain tu piipl an dem tek taim wid dem. Dem no red yai ar gwaan buosi-buosi. Piipl we av lov iina dem aat no lov fi shuo aaf.

Filipiyan 2:3

So no du notn jos so unu kyan get wa unu waahn. An no shuo aaf fi chrai mek piipl tingk unu impuotant ar beta dan nobadi. Wa unu fi du a ombl unuself an chriit wan aneda beta dan ou unu wuda chriit unuself.

Jiemz 3:14

Bot ef unu aat bita, an unu bad main an onggl a fait fi av unu uona wie, no bada buos bout unuself an ton we fram di chuut, kaaz wen unu du dat unu a mek di chuut luk laik se a lai.

1 Piita 5:5

Nou fi di wan dem we yongga dan di elda dem, a siem so unu fi lisn di elda dem an du wa dem se unu fi du. Evribadi we de iina di choch, unu fi ombl unuself an elp unu wan aneda, kaaz unu si iina Gad wod se, “Gad fait gens enibadi we buosi, bot im bles di wan dem we ombl demself.”